Thohir: Liga e Kampionëve e rëndësishme, nuk falimentojmë

Dita e sotme ka qenë e veçantë për zikaltrit e Interit, pasi klubi milanez ka vazhduar kontratën me sponsorin legjendar, Pirelli.

Presidenti i nderit, Massimo Moratti dhe presidenti aktual, Erick Thohir kanë dhënë një intervistë, ku biznesmeni tajlandez ka folur për situatën aktuale të Interit.

Moratti? Falënderoj Masimo Moratin që më ka besuar Interin. Dëshiroj të bashkëpunoj sa më shumë me Massimo Morattin, pasi ai ka dhënë gjithçka për Interin dhe është si një profesor për mua”.

“Së bashku kemi një miqësi të ngushtë, jemi si një familje e madhe. Në dy vitet e fundit kemi zhvilluar një punë kolosale. Moratti ka investuar shumë për Interin, ndërsa detyra ime është ta mbaj sa më lart emrin e zikaltërve”.

I pyetur rreth objektivit sezonal, që mbetet vetëm vendi i tretë, Thohir vijon.

“Vendi i tretë? Gjatë një sezoni gjërat ndryshojnë. Ndonjëherë për mirë, ndonjëherë për keq. Nuk do të ishte fundi i botës, nëse do të dështonim Ligën e Kampionëve. E rëndësishme është të punojmë sa më shumë për të mirën e klubit, pasi në këtë mënyrë do të arrijmë të gjitha objektivat që synojmë”.

“Nëse këtë sezon do të humbasim Ligën e Kampioneve, me siguri do të jemi në Ligën e Evropës, por duam me çdo kusht të kapim Championsin, pasi do të na ndihmojë në afatin kalimtar të sezonit të ardhshëm”.

“E ardhmja e trajnerit? Roberto Mancini ka një kontratë të gjatë me Interin dhe nuk mund të përmendim asnjë rinovim. Qëndrimi i tij nuk varet nga vendi i tretë. Mancini ka gjithnjë besimin tonë tek Interi”.

Drejt falimentit? “Nuk ka asnjë faliment për Interin. Për momentin kërkojmë partnerë aziatik për të forcuar më shumë klubin, por kjo nuk do të thotë që po shkojmë drejt greminës. Në Azi kemi afro 190 milionë tifozë, ndaj dhe duhet të zhvillojmë më shumë marketing për të rritur imazhin tonë”, ka thënë Thohir.