Thaçi sot takon liderët e partive politike, Kurti nuk e përfshinë në agjendë takimin me presidentin

Presidenti i Republikës së Kosovës, Hashim Thaçi sot takon krerët e partive politike në vend, me qëllim të informimit, konsultimit dhe koordinimit për çështje të interesit shtetëror.

Zyra për informim e Presidencës bën të ditur se presidenti Thaçi fillimisht do ta takojë kryetarin e Lidhjes Demokratike të Kosovës, Isa Mustafa, pastaj kryetarin e Partisë Demokratike të Kosovës, Kadri Veseli, kryetarin e Aleancës për Ardhmërinë e Kosovës, Ramush Haradinaj, kryetarin e Lëvizjes Vetëvendosje, Albin Kurti, kryetarin e NISMA-s, Fatmir Limaj si dhe kryetarin e Aleancës Kosova e Re, Behgjet Pacolli.

Derisa në agjendën e presidentit është takimi me Kurtin, në agjendën e kryeministrit nuk është takimi me Thaçin, i paraparë në ora 13:00.

Orari i takimeve të presidentit Thaçi me kryetarët e partive politike:

Isa Mustafa, ish-kryeministër dhe kryetar i LDK-së;

Ora e takimit: 10:30;

Kadri Veseli, ish-kryetar i Kuvendit të Kosovës dhe kryetar i PDK-së;

Ora e takimit: 11:30;

Ramush Haradinaj, ish-kryeministër dhe kryetar i AAK-së;

Ora e takimit: 12:30;

Albin Kurti, kryeministër i Republikës së Kosovës dhe kryetar i LVV-së

Ora e takimit: 13:00;

Fatmir Limaj, ish-zëvendëskryeministër dhe kryetar i NISMA-s;

Ora e takimit: 13:45;

Behgjet Pacolli, ish-zëvendëskryeministër dhe kryetar i AKR-së;

Ora e takimit: 14:15.