Momenti kur Tesla e ‘përmbytur’ nga uragani Helene përfshihet nga flakët brenda një garazhi të një shtëpie në Florida

Ndërsa banorët në të gjithë zonën e Gjirit të Tampa kthehen në shtëpitë e tyre për herë të parë që kur uragani Helene kaloi nëpër zonë, zyrtarët lokalë po u kërkojnë atyre që zotërojnë automjete elektrike të qëndrojnë vigjilentë.

Dhe kjo doli diçka e nevojshme pasi të shtunën, qeveria e qarkut Pinellas postoi një video të një Tesla të përmbytur që u përfshi nga zjarri brenda garazhit të një pronari shtëpie, shkruajnë mediat e huaja, përcjell Telegrafi.

“Automjetet elektrike që janë përmbytur në ujërat e kripura mund të përfshihen nga flakët”, tha qarku në një postim në Facebook.

“Nëse jeni evakuuar dhe keni lënë një automjet elektrik në garazhin tuaj ose nën një ndërtesë dhe nuk jeni në gjendje të arrini ose ta zhvendosni atë, ne duam që ju të na njoftoni”.

Helene shpërtheu në breg në rajonin Big Bend të Floridës si një stuhi e kategorisë 4 të enjten vonë duke arritur në erëra prej 140 mph (225 km/h) dhe më pas lëvizi shpejt nëpër Georgia, Carolina dhe Tennessee, duke shkaktuar dëme të shumta materiale.

Shirat masive të uraganit dhe erërat e fuqishme lanë të paktën 52 njerëz të vdekur, shkaktuan shkatërrim të gjerë në të gjithë juglindjen e SHBA-së dhe lanë miliona njerëz pa energji elektrike. /Telegrafi/