Tenistët e klubit “HotShot” rrëmbejnë çmimet kryesore në turneun “Albanian Bowl”

Fundjavën e kaluar në Shqipëri, përkatësisht në qytetin e Shkodrës është zhvilluar turneu tradicional i tenisit “Albanian Bowl”, ku pjesëmarrës në këtë turne ishte edhe Klubi i Tenisit nga Gjakova, “HotShot”, duke arritur edhe njëherë suksese të jashtëzakonshëm me teniserët e klubit që garuan në këtë turne.

Pavarësisht konkurecës së madhe në këtë turne, ku morën pjesë gjithsej 92 garues të të gjitha trevave shqiptare, çmimi i parë i këtij turneu u takoi pikërisht tenisteve Diora Gjoka dhe Olea Gjoka, nga Klubi i Tenisit “HotShot”.

I lumtur me arritjen e klubit u shpreh edhe trajneri Art Baruti, i cili tha që kjo ekperiencë ndikon edhe në motivimin e teniserëve të rinj.

“Jemi më tepër se të lumtur me sukseset që i kemi arritur pasiqë Diora Gjoka dhe Olea Gjoka, arritën vendet e para duke u shpallur kampione, po ashtu edhe teniseri Kaon Baruti arriti vendin e katërt në kategorinë e tij, çmime këto që bënë që klubi ynë të ishte klubi më i sukseshëm në këtë turne, pasiqë arritëm t’i fitojmë 2 nga 11 kategoritë që u zhvilluan, ku kjo ishte një eksperiecë që ju dha edhe një dozë motivimi teniserëve të rinj”, ka thënë Baruti për Telegrafin.

Ndër të tjera, Baruti u shpreh se tenistët e KT “HotShot” po vazhdojnë të përgatiten edhe për garat në vazhdim duke synuar që të tregohen sa më të suksesshëm. /Telegrafi/