Ten Hag i mërzitur që Man Utd nuk i ka ofruar kontratë

Trajneri i Ajaxit, Erik ten Hag është i frustruar, pasi Manchester Unitedi nuk i ka ofruar ende kontratë, edhe përkundër interesimit të madh.

Sipas mediumit The Mirror, 52-vjeçari Ten Hag u takua me drejtuesit e Unitedit javën e kaluar për të biseduar për t’u bërë trajneri i tyre i ri dhe ata ishin të impresionuar nga garancitë e tij se gjetja e kohës për të rindërtuar ekipin ishte më e rëndësishme se një kontratë e majme.

Trajneri i Ajaxit vjen nga një prejardhje e pasur dhe tashmë është jashtëzakonisht i pasur falë aksioneve të tij në biznesin e tij familjar dhe fitimeve nga futbolli.

Lexo po ashtu Man Utd ka përpiluar listën e ngushtë me pesë emra trajnerësh si pasues të mundshëm të Ralf Rangnick

Por, pasi parashtroi vizionin e tij për të rikthyer ditët e lavdisë në Old Trafford, ai u mahnit kur Unitedi nuk dha bisedime të hapura për kontratë.

United dëshiron të flasë me kandidatët e tjerë të mundshëm si Maurico Pochettino dhe Luis Enrique përpara se të vendosin paratë e tyre në tavolinë.

Por, Ten Hag e bëri të qartë se ai është më i interesuar të bëjë histori sesa të fitojë më shumë para.

Lexo po ashtu Ten Hag përfundon intervistën me Man Utd, drejtuesit do t’i intervistojnë edhe tre trajnerë tjerë

Ai është një aksioner kryesor në perandorinë e pronave dhe shërbimeve financiare të krijuar nga babai i tij, Hennie, në 1989.

Pasuria e tij e madhe përfshin një nga agjencitë më të mëdha të pronave në Holandë dhe tani drejtohet kryesisht nga dy vëllezërit e Ten Hag, Rico dhe Michel. Por, të tre vëllezërit kanë nga një pjesë të barabartë të kompanisë. /Telegrafi/