Telefoni me baterinë më të fortë në botë – nuk ka nevojë të mbushet për 94 ditë

YouTuberi i njohur Mrwhosetheboss, i cili i cili njihet për vlerësimet e tij mbi pajisjet teknologjike pretendon se bateria e një telefoni zgjat 94 ditë.

Bëhet fjalë për modelin Oukitel WP19, i cili ka një kamerë 64 megapikselë gjithashtu edhe një kamerë infra të kuqe për natën me 20 megapikselë, transmeton Telegrafi.

Eksperti i pajisjeve teknologjike pohon gjithashtu se bateria e këtij telefoni është 21,000 mAh, me një kapacitet pesë herë më të madh se modeli iPhone 14 Pro Max.

Ai bëri një test të thjeshtë përmes videos së tij ku lëshoi video në YouTube për të testuar bateritë e të dy modeleve.

Pas një ore e gjysmë, bateria e iPhone-it ra në 95 për qind, derisa e telefonit Oukitel ishte 99 për qind.

Sipas tij, nëse jeni në një telefonatë ose dëgjoni muzikë, bateria e modelit Oukitel mund të zgjasë për pesë ditë. Ndërkaq nëse jeni në standby dhe nuk e përdorni non-stop bateria e këtij modeli mund të zgjasë për 94 ditë.

Pra, bazuar në vlerësimint e vlogeri, ky është telefoni me baterinë më të fortë në botë. /Telegrafi/