Të shtëna para ndërtesës së Qeverisë së Kroacisë – pasi qëlloi një polic me armë, sulmuesi bën vetëvrasje

Autoritetet në Kroaci kanë thënë se gjatë orëve të mëngjesit, afër ndërtesës së Qeverisë së Kroacisë janë dëgjuar të shtëna, nga të cilat një polic ka mbetur i plagosur.

Në këtë drejtim, shkruajnë mediat e huaja, përcjell Telegrafi, zyrtarët e policisë gjetën një person i cili përputhej me përshkrimin e autorit të krimit.

Siç supozohet, ai kishte bërë vetëvrasje ndërsa po punohet në përcaktimin e rrethanave të ngjarjes.

 Drejtori i Spitalit ku është vendosur polici i plagosur ka thënë se polici i plagosur është në gjendje stabile. /Telegrafi/

Të shtëna para ndërtesës së Qeverisë së Kroacisë – një polic qëllohet me armë, sulmuesi në arrati

Një oficer policie u qëllua me armë përpara hyrjes në ndërtesën e qeverisë së Kroacisë.

Kështu së paku raportojnë mediat vendase, sipas të cilave edhe një shpërthim zjarri u dëgjua gjatë të shtënave, përcjell Telegrafi.

Policijski helikopter iznad centra Zagreba nakon oružanog napada na Markovom trgu @N1infoZG pic.twitter.com/jSPxxqSOwF

— Domagoj Novokmet (@DomagojNovokmet) October 12, 2020

Tomislav Medved, Ministri i Çështjeve të Veteranëve, para gazetarëve ka thënë se ai nuk mund të hynte në detaje.

“Ne mund t’u themi qytetarëve se Kroacia është një vend i sigurt”, ka thënë ai, duke u bërë thirrje gazetarëve të presin që autori të kapet dhe të kryhet një hetim, pas së cilës gjë, qytetarët do të informohen.

Departamenti i Policisë së Zagrebit ka konfirmuar se të shtënat ndodhën dhe se autori ishte në arrati.

Si rezultat, të gjitha forcat e disponueshme të policisë po e kërkojnë atë. /Telegrafi/