Të punësuarit në Jugohrom vazhdojnë në pushim të detyruar

Statusi i të punësuarëve në kombinatin Jugohrom edhe pas vitit të ri mbetet i njëjt. Ata akoma janë në pushim të detyruar dhe marrin rreth 70% të rrogës mujore, prej kur Inspektorati për Ambient Jetësor në nëntor vitin e kaluar vendosi që ta mbyll përkohësisht kombinatin për shkak të vonesës së vendosjes së filtrave. Nga sindikata e Jugohromit thonë se për fatin e mëtejmë të punëtorëve, po bisedohet në ekipin menaxherial të kombinatit, përcjell Telegrafi Maqedoni.

“Punëtorëve ju paguhen rrogat, sot ose nesër pritet të paguhet K-15. Tani më e rëndësishmja është që të punësuarit vazhdojnë në pushim të detyruar, ndërsa duhet të vendose sa më herët për fatin e tyre. Fabrika duhet të hapet, për shkak se shihet se ajri në Tetovë akoma është ekstremisht i ndotur dhe punëtorët duhet të punojnë që të sigurojnë bukën e tyre”, deklaroi Bajram Amiti, kryetar i sindikatës së Jugohromit.

Drejtori gjeneral i Jugohromit, Vasko Skenderovski, tha se po punohet intenzivisht në ndërtimin e sistemit të filtrave, e cila ishte edhe arsyeja kryesore e mbylljes së fabrikës./Telegrafi/