Të premten bëhet inaugurimi i “Shtegut të Arinjve” në Gërmi

Klubi Alpin Prishtina ka njoftuar se këtë të premte do të bëhet inaugurimi i shtegut të arinjve në Gërmi.

Në njoftimi e bërë për media, thuhet se tubimi do të mbahet në Qendrën Rekreative të Gërmisë duke filluar prej ora 10:00, transmeton Telegrafi.

Ky shteg do të lidh parkun e Gërmisë me strehimoren e arinjve dhe liqenin e Badovcit.

“Në bashkëpunim me partnerët dhe përfaqësuesit e organizatave sportive në Prishtinë, ju ftojmë të na bashkoheni në hapjen promovuese të Shtegut të Arinjve (5.6 km), tubim i cili do të mbahet këtë të premte, me 22 Nëntor prej orës 10:00, në Qendrën Rekreative të Gërmisë. Pas tubimit promovues, është planifikuar një tour me biçikleta deri në Liqenin e Badovcit”, thuhet në njoftim.

Tutje në njoftimin e bërë nga Klubi Alpin Prishtina thuhet se, shtegu është komponentë e rëndësishme e planit për zhvillimin e Parkut të Gërmisë në veçanti, dhe Zonës Turistike të Gollakut, gjithnjë në koordinim me organet kompetente të Komunës së Prishtinës dhe Ministrisë së Mjedisit dhe Planifikimit Hapësinor./Telegrafi/