Më të pasurit e botës shënuan humbje prej 117 miliardë dollarësh, në vetëm një ditë

Pesëqind njerëzit më të pasur në Tokë humbën 2.1% të vlerës së tyre neto të pasurisë të hënën ndërsa rezervat e SHBA-së u zhytën në rënien e tyre më të madhe këtë vit.

Sipas Bloomberg.com, përcjell Telegrafi, njëzet e një anëtarë të Indeksit të Miliarderëve të Bloomberg humbën 117 miliard dollarë ndërsa investitorët reaguan ndaj tensioneve të rritura midis SHBA-së dhe Kinës.

Ndër “viktimat” është edhe themeluesi i Amazon.com Inc. Jeff Bezos ndërsa aksionet e shitësit me pakicë në internet u rrëzuan. Por ai është akoma personi më i pasur në planet me 110 miliardë dollarë.

Humbja është një përmbysje e papritur për më të pasurit në botë, të cilët deri më sot kishin përjetuar fitime të qëndrueshme.

Megjithatë, faktorë të tjerë kanë ndikuar në fatin e të pasurve të botës.

Edhe elita e Hong Kong-ut po ndjen dhimbje nga nëntë javë protesta që kanë bllokuar rrugët e qendrës financiare.

Gjithsesi, edhe pas humbjeve të sotme, 500 individët në indeks kontrollojnë gati 5.4 trilionë dollarë, një rritje prej 11% nga 1 janari. /Telegrafi/