Të maskuar dhe me revole me shurdhues, ekzekutojnë në mes të ditës liderin e bandës së motoçiklistëve në Bronx

Kamerat e sigurisë kanë kapur momentin kur dy persona të maskuar dalin me shpejtësi nga vetura Jeep duke mbajtur në duar revole me “shurdhues”, me të cilat qëllojnë për vdekje liderin e një bande që po shëtitjes në ato momente nëpër rrugët e Bronxit dhe atë në mes të ditës.

Ekzekutimi ka ndodhur në Hollard Avenue në afërsi të rrugës Boston në Allerton, Bronx, gjatë të dielës rreth orës 3 të pasdites, transmeton Telegrafi.

Viktima është identifikuar nga një zyrtar policor si Francisco Rosado, 51-vjeç, lider i bandës së klubit të motoçiklistëve Pagan në Bronx.

Videoja e publikuar më poshtë shfaq dy burra të veshur në të zeza dhe mme maska kirurgjike duke dalë nga vetura, e duke mbajtur në duar revolet me shurdhues me qëllim që gjatë të shtënave mos të krijohet zhurmë dhe të shkaktohet panik te qytetarët.

Në video nuk dëgjohet ndonjë zë e as momentin kur viktimave qëllohet. Sipas policisë, Rosado po bisedonte me dikë në parking kur u qëllua në kokë dhe gjoks. Ai është shpallur i vdekur në vend të ngjarjes.

Deri më tani nuk është arrestuar askush lidhur më këtë vrasje, ndërsa autorët shihet në video se si kthehen në veturë dhe largohen me shpejtësi nga vendi i ngjarjes. /Telegrafi/