Të gjithë lojtarët e përshëndetën Zidanen pas largimit, përveç njërit – vazhdon thyerja me Gareth Balen, që e kishte shndërruar në lojtar stoli

Zinedine Zidane nuk është më trajneri i Real Madrid dhe këtë e ka konfirmuar në konferencën e mbajtur të enjten.

Në dy vite e gjysmë ai fitoi gjithçka çka fitohet, madje edhe më shumë, duke marrë tri herë radhazi Ligën e Kampionëve.

Në vend të tij me gjasë të madhe do të ulet Mauricio Pochettino.

Pas lajmit për largimin nga Real Madridi, shumica e yjeve të skuadrës e kanë përshëndetur.

Mesazhe të bukura nga yjet si Cristiano Ronaldo, Kapiteni Sergio Ramos, pastaj edhe nga Benzema, Modric apo Kroos, por njëri ka heshtur.

Gareth Bale ka mbajtur heshtje, duke mbajtur ende inat për lënin në stol në shumë ndeshje.

Uellsiani ishte në stol edhe finalen ndaj Liverpool, por kur u fut shënoi dy gola.

Bale nuk është se ka qenë jo aktiv në rrjetet sociale, pasi e ka uruar shokun e skuadrës Lucas Vazquezin për lindjen e fëmijës së tij. /Telegrafi/

https://www.instagram.com/p/BjcVfOHFT32/?taken-by=cristiano

https://www.instagram.com/p/Bjci8fkFuDm/?taken-by=lukamodric10

https://www.instagram.com/p/BjcgaI8Bk01/?taken-by=karimbenzema

https://www.instagram.com/p/BjcM1JmHOmA/?taken-by=toni.kr8s

https://www.instagram.com/p/BjcM5NxncYX/?taken-by=sergioramos