A do të furnizohet Ukraina me raketat gjermane Taurus, që kanë një rreze veprimi prej 500 kilometra dhe mund të shkatërrojnë bunkerë nëntokësorë?

Ukraina i ka kërkuar qeverisë gjermane t’i dërgojë raketa Taurus, ndërsa Kievi përpiqet të mbrohet kundër një pushtimi rus që filloi në shkurt të vitit të kaluar.

“Kërkesa e Kievit është pranuar disa ditë më parë”, tha dje në mbrëmje një zëdhënëse e Ministrisë gjermane të Mbrojtjes, transmeton Telegrafi.

Megjithatë, detajet e kërkesës, duke përfshirë sasinë e armëve që ka kërkuar Kievi, mbeten të paqarta.

Roderich Kiesewetter, përfaqësues i opozitës nga radhët e kristiandemokratëve në parlamentin gjerman, e mbështeti dërgimin e këtyre armëve pak ditë më parë.

Lexo po ashtu Ukraina i kërkon Gjermanisë raketa me rreze të gjatë veprimi Taurus

Raketat e drejtuara me një rreze veprimi deri në 500 kilometra, do t’i mundësojnë vendit të sulmojnë dhe “shënjestrojë infrastrukturën ushtarake ruse shumë prapa vijës së frontit”, tha ai.

Lajmi për kërkesën erdhi pasi presidenti ukrainas Volodymyr Zelensky tha se ai po vazhdon të kërkojë mbështetje nga partnerët perëndimorë.

“Ne do të bëjmë gjithçka të mundshme dhe të pamundur për të përshpejtuar dërgimin e sistemeve të reja të mbrojtjes ajrore me cilësi më të lartë në Ukrainë”, tha Kiesewetter në fjalimin të premten, duke shtuar se “fjalë për fjalë është një temë e përditshme në bashkëpunim me partnerët”.

“Ukraina po bën përparim më të shpejtë në modernizimin e mbrojtjes së saj sesa mund të ishte parashikuar gjashtë muaj më parë”, shtoi ai.

Çfarë mund të bëjë Taurus?

Sipas raportimeve, ushtria gjermane posedon rreth 600 raketa Taurus nga të cilat vetëm rreth 150 mbahen në gatishmëri operacionale. Secila prej këtyre raketave kushtoi rreth një milion dollarë rreth 10 vjet më parë.

Taurus është produkt i një sipërmarrjeje të përbashkët të MBDA Deutschland nga Gjermania dhe Saab Dynamics nga Suedia, shkruan The Drive.

Raketa thuhet se ka një rreze prej më shumë se 500 kilometra, gjë që e vendos atë në Kategorinë II të Regjimit të Kontrollit të Teknologjisë Mobile (MTCR).

Lexo po ashtu Kubanezët luftojnë në anën e rusëve në Ukrainë, u është premtuar shtetësia dhe 5 dollarë në dorë dhe pagë mujore prej 2.545

E projektuar për të depërtuar në mbrojtjen ajrore mbi terrene të nivelit shumë të ulët pas fluturimit, raketa Taurus me motor turbojet mban një kokë shpërthyese e ndarë në dy faza të njohur si MEPHISTO.

Koka MEPHISTO madje mund të programohet të shpërthejë në një kat të paracaktuar të një ndërtese specifike.

Sistemi i drejtimit të raketave bazohet në një sistem navigimi inercial (INS) që përditësohet vazhdimisht me GPS.

Ekziston gjithashtu një sensor terreni referues që ofron aftësinë për të sulmuar ato që prodhuesi i përshkruan si “shënjestra gjysmë të palëvizshme”.

Gjithashtu mund të shkatërrojë objektiva të mbrojtura mirë siç janë bunkerët thellë nën tokë. /Telegrafi/