Tayna lanson klipin e “Ring Ring”, thotë se është këngë personale për të

“Ring Ring” është titulli i këngës më të re të Taynas, të cilën e ka kompletuar edhe nga ana vizuale. Producenti Cricket qëndron prapa kësaj kënge, të cilës ia ka realizuar muzikën.

Tekstin e ka shkruar vet reperja, ndërsa masterizimi është bërë nga Lorenc Aliaj.

Projekti është realizim i Friends Entertainment, ndërsa videoklipi është xhiruar nën drejtimin e regjisorit Valon Aziri.

“Kjo këngë është personale për mu. Shpresoj që do t’ju pëlqejë edhe shpresoj që reflekton mundin tim për t’ju motivuar në ambiciet tuaja”.

Lexo po ashtu Të gjitha lajmet nga Tayna

“Faleminderit shumë për përkrahjen, kritikat, komplimentet, ofendimet dhe mbi të gjitha dashurinë që ma keni dhënë vazhdimisht. Ata që më kritikojnë më bëjnë më të fortë”.

“Ata që më duan janë arsyeja që unë do të vazhdoj më tutje t’ju argëtoj. Pa juve as ‘Tayna’ e as kjo këngë nuk do të bëhej. Faleminderit dhe ju dua shume!”, ka shkruar Tayna në njoftimin e saj në Instagram.

https://www.instagram.com/p/Bt9DVKVg44K/

Bashkëpunimi me Ledri Vulën, “Aje”, është ndër projektet e fundit të Doruntina Shalës që është pëlqyer shumë dhe numëron mbi 15 milionë shikime në YouTube. /Telegrafi/