Takimi në Bruksel, Lajçak flet për kërkesat: Përgjegjësi për Banjskën, Asociacioni dhe njohja e dokumenteve e simboleve të Kosovës

Ndërmjetësi i Bashkimit Evropian për dialogun Kosovë-Serbi, Miroslav Lajçak ka njoftuar sot lidhur me rezultatet e takimit të së martës në Bruksel ndërmjet dy kryenegociatorëve, atij të Kosovës, Besnik Bislimi dhe të Serbisë, Petar Petkoviq.

Lajçak në një postim në platformën X ka shkruar për temat që kanë diskutuar, gjersa ka thënë se është i lumtur që palët kanë rënë dakord për Komisionin e përbashkët për të zhdukurit dhe siç tha ai së shpejti do të organizojnë mbledhjen e parë të Komisionit të Përbashkët.

“Faleminderit Besnik Bislimi dhe Petar Petkoviqit për bashkëpunimin e mirë dhe takimin konstruktiv trepalësh”, tha ai.

Tutje, Lajçak bëri të ditur se u ka thënë kryenegociatorëve se normalizimi i raporteve nënkupton integrim në Bashkimin Evropian dhe për këtë sipas tij nuk ka shkëputje mes të dy palëve.

Emisari i BE-së ka theksuar edhe hapat që duhen bërë për të zbatuar Marrëveshjen e Ohrit, sipas konkluzave të Këshillit Evropian.

“Hapat e diskutuara e të përcaktuara në Konkluzionet e Këshillit të vitit 2024 për zbatimin e Ohrit: de-përshkallëzimi, përgjegjësi për sulmet e vitit 2023, riintegrimi i serbëve të Kosovës, themelimi i Asociacionit të Komunave me shumicë serbe dhe njohja e dokumenteve dhe simboleve të Kosovës”, shkruan ai në X.

I dërguari evropian është shprehur i lumtur që kanë përfunduar me sukses negociatat për funksionalizimin e Deklaratës për Personat e Zhdukur të vitit 2023.

“Së shpejti do të organizojmë mbledhjen e parë të Komisionit të Përbashkët”, shkruan ai. /Telegrafi/

Hosted my 3️⃣1️⃣ Chief Negotiators’ meeting.

Thanks to @BislimiBesnik & @PetkovicPetar for our good cooperation and the in-depth and constructive trilateral meeting.

Reiterated to both Parties:
1️⃣ normalisation = 🇪🇺 integration.
2️⃣ no decoupling between the two. (1/3) pic.twitter.com/5KPVaZtM7a

— Miroslav Lajčák (@MiroslavLajcak) December 18, 2024

Discussed steps laid out in 2024 Council Conclusions to implement Ohrid:
➡️ de-escalation,
➡️accountability for 2023 attacks,
➡️ re-integration of Kosovo Serbs,
➡️ establishment of Association of Serb-majority Municipalities,
➡️ recognition of Kosovo’s documents & symbols (2/3)

— Miroslav Lajčák (@MiroslavLajcak) December 18, 2024

Very happy that we successfully concluded the negotiations on operationalising the 2023 Declaration on Missing Persons.

An important step towards finally bringing closure to families.

We will soon host the first meeting of the Joint Commission. (3/3)https://t.co/dNxPuo9t7A

— Miroslav Lajčák (@MiroslavLajcak) December 18, 2024