Gratë e liderëve të Koresë së Veriut dhe asaj të Jugut janë takuar për herë të parë.
Ri Sol-ju, gruaja e Kim Jong-un, kaloi kufirin përmes zonës së demilitarizuar duke u futur në territorin e Koresë së Jugut për të ndjekur samitin, dhe për të qenë mysafire në drekën e shtruar nga nikoqiri Moon Jae-in, transmeton Telegrafi.
Para se të uleshin në tavolinë, ajo kishte pasur një bisedë të shkurtër me Zonjën e Parë të Koresë së Jugut, Kim Jung-sook, duke shënuar kështu takimin e parë të Zonjave të Para të dy Koreve.
Me të mbërritur në fshatin Panmunjom në orën 6:15 sipas kohës lokale, ajo u nis drejt për në "Shtëpinë e Paqes" e ndërtuar në Korenë e Jugut.
Sidoqoftë, dy zonjat duket se kanë pasur një bisedë relaksuese, pasi janë fotografuar duke qeshur dhe shtrënguar duart në këtë moment historik.
Ato ishin veshur elegant dhe në disa momente ua kishin "vjedhur" vëmendjen partnerëve të tyre, që arritën të bëhen kryelajm i mediave botërore. /Telegrafi/
