“Do ta shkatërroj fytyrën”, Florian Marku kërcënon kundërshtarin para duelit të së dielës

Florian Marku ka shkëmbyer disa fjalë të rënda me kundërshtarin e tij Chris Kongo para duelit që do të zhvillohet të dielën.

Kjo nuk ishte hera e parë që dyshja kishin një ballafaqim të nxehtë përballë kamerave. Vitin e kaluar ata patën një përleshje fizike gjatë konferencës për shtyp, dhe ata do të boksojnë në ring përsëri të dielën.

Në një klip të publikuar nga Sky Sports, shihet Marku përballë Kongos duke e kërcënuar para duelit që do ta zhvillojnë.

“Të dielën, do ta shkatërroj fytyrën dhe ju do ta shihni këtë”, i ka thënë fillimisht Marku.

“Të dielën do të paguash për çdo gjë që ke thënë. Ju do të paguani për çdo fjalë që keni thënë. Ju jeni i frikësuar, pas tri ose katër raundeve do të dridheni. Këmbët tua, sepse ti je një frikacak”, është shprehur Marku.

?????? ??! What Florian Marku & Chris Kongo said to each other in their heated face-off ?#MarkuKongo x #WardleyClarke – Sunday pic.twitter.com/dC7m0iV4bf

— Sky Sports Boxing (@SkySportsBoxing) March 29, 2024

Kongo u kundërpërgjigj: Ka të bëjë me aftësitë, do ta shohim, ju tashmë e dini.

Kujtojmë se Marku është i pamposhtur deri më tani teksa ka fituar 13 duele dhe ka barazuar vetëm një herë gjatë karrierës së tij./Telegrafi/