Ta kujtojmë raundin e tretë që ndryshoi gjithçka – Ruiz u rrëzua i pari, por u rikthye për ta ‘shkatërruar’ Joshuan

Raundi i tretë ishte raundi vendimtar i meçit të parë në mes të Anthony Joshua dhe Andy Ruiz Jr.

Më 1 qershor të këtij viti, britaniku Joshua dhe meksikano-amerikani Ruiz Jr u ndeshen në takimin e tyre të parë për titullin unifikues të peshave të rënda.

Ishte Ruiz Jr, i cili befasoi të gjithë botën e sportit, e në veçanti atë të boksit duke mposhtur britanikun e pamposhtur deri atëherë, Joshuan.

Lexo po ashtu Joshua vs Ruiz Jr: Orari, parashikimi dhe çdo gjë tjetër që duhet të dini rreth këtij dueli

Ndeshja pati nisur mirë për britanikun, i cili e mbante larg Ruizin dhe e godiste më shpesh.

Joshua arriti gjithashtu ta rrëzoj i pari në tokë Ruizi në raundin e tretë duke bërë që fitorja e tij të duket shumë afër.

Megjithatë, ky meç ndryshoi gjithçka, jo vetëm rrjedhën e kësaj lufte.

Ruiz arriti të kthehet në lojë duke e rrëzuar dy herë Joshuan dhe duke e lënë me pasoja për raundet tjera.

Në raundin e shtatë, meksikano-amerikani u tregua i pamëshirshëm duke e rrëzuar edhe njëherë dhe duke befasuar botën pas shpalljes kampion i peshave të rënda.

Sot (e shtunë), Joshua ka mundësi t’i hakmerret Ruizit pasi zhvillohet revanshi në Arabinë Saudite rreth orës 22:00. /Telegrafi/