Ambasadori i BE-së në Kosovë, Tomas Szunyog, së bashku me shefin e EULEX-it, Giovanni Pietro Barbano, dhe ambasadorët dhe përfaqësuesit e shteteve anëtare të BE-së në Kosovë, kanë vizituar sot komunën e Suharekës.
Gjatë vizitës së tyre, ata u takuan me kryetarin Bali Muharremaj dhe ekipin e tij për të diskutuar çështje të ndryshme, duke përfshirë qeverisjen lokale, zhvillimin ekonomik, përfaqësimin e grave, çështje mjedisore dhe pozitën e komuniteteve joshumicë brenda komunës.
Ambasadori i BE-së në Kosovë e përgëzoi kryetarin e komunës për kualifikimin për Grantin e Performancës Komunale 2024 dhe për promovimin e balancës gjinore duke emëruar disa gra në pozita të larta.
“Gjithashtu e inkurajova kryetarin e komunës që të rrisë përfaqësimin e komuniteteve romë, ashkali dhe egjiptianë të Kosovës në shërbimin civil komunal, veçanërisht në Zyrën Komunale për Komunitete dhe Kthim”, tha ambasadori Szunyog.
Në kuadër të vizitës, delegacioni vizitoi edhe dy kompanitë e mbështetura nga BE-ja, “Graniti”, një fabrikë për përpunimin e drurit në Shirokë dhe “METAL FIX”, një kompani e përpunimit të metaleve.
Gjatë një turi të udhëhequr nga pronari i “Granitit”, delegacioni pa drejtpërdrejt ndikimin transformues të mbështetjes së BE-së për kompaninë vendase.
“Falë një granti të drejtpërdrejtë nga BE, kompania arriti të diversifikojë prodhimin e saj dhe të përmirësojë objektin e përpunimit të drurit. “Graniti” ishte një nga 40 ndërmarrjet e vogla dhe të mesme që përfituan gjithsej 5 milionë euro grante”, thuhet në njoftimin për media.
Delegacioni vizitoi edhe “METAL FIX”, një kompani e mbështetur përmes një projekti të zbatuar nga Banka Evropiane për Rindërtim dhe Zhvillim (BERZH).
Pronarët e saj shpjeguan se falë mbështetjes së BE-së, ata arritën të ulin kostot e prodhimit, të përmirësojnë kapacitetet e tyre prodhuese dhe të rrisin shëndetin dhe sigurinë në punë.
“Në total, ky projekt i zbatuar nga BERZH ka mbështetur 150 kompani me një shumë totale prej 30 milionë euro, nga të cilat 6 milionë euro janë grant i BE-së dhe 24 milionë euro kredi nga BERZH. Kjo mbështetje rezultoi në ruajtjen e rreth 4,000 vendeve të punës”, thuhet tutje në njoftim.
Në përfundim të vizitës, ambasadori i BE-së në Kosovë tha: “Është e jashtëzakonshme të shohësh rolin esencial të ndihmës së BE-së për ndërmarrjet e vogla dhe të mesme të Kosovës. Si donatori më i madh i Kosovës, mbështetja e BE-së ka ndihmuar në stimulimin e rritjes, gjenerimin e vendeve të punës dhe rritjen e konkurrencës. Financimi i përgjithshëm i BE-së për zhvillimin e sektorit privat të Kosovës nga viti 2014 deri në vitin 2023 tejkalon 70 milionë euro.
Vizita e sotme në Suharekë u zhvillua në kuadër të vizitave nëpër komuna të BE-së, duke theksuar përkushtimin e vazhdueshëm të BE-së për të mbështetur zhvillimin politik dhe ekonomik në Kosovë. /Telegrafi/
Promo
Reklamo këtuLufta Prigozhin - Putin
Më shumëAuto Mita shënon 5:0 në Kampionatin Evropian!
Zbuloni zbritjet dhe ofertat verore në Melodia Px
Akulloret nga Oaza Company: Flladi veror për fëmijët dhe të rriturit
Parapremiera e "Despicable me 4" me 22-23 Qershor me shumë surpriza unike
Punimet në rrugën Mitrovicë-Prishtinë, Durmishi: Po ecin me ritme të shpejta
Mëso në gjuhën shqipe, certifikohu me diplomë Amerikane si Data Scientist
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Mësoni pse Holandës iu anulua goli i Xavi Simons kundër Francës
"Ndaj tij do të zbatohen sanksione disiplinore dhe financiare" - klubi i Rubin Kazanit me reagim për situatën e Mirlind Dakut
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan
Nga dyshimet për Policinë e Kosovës tek ndikimi te dëshmitarët, si e ndryshoi Specialja arsyetimin për t’i mbajtur në Hagë ish-krerët e UÇK-së
PDK kërkoi shkarkimin e ambasadorit Berishaj, deputeti Berisha e vizitoi në Zagreb: Biseduam për të mirën e kombit dhe shtetit
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi