“Sunny Hill Foundation” ende pret donatorin e fundit që të respektojë premtimin (Foto)

Këngëtarja Dua Lipa, e cila këto ditë përfundoj turneun amerikanë, ku e shoqëroj këngëtarin australian Troye Sivan, gjeti kohë që të bashkëngjitet takimit të fondacioneve në New York me ftesën e Richard Lukajt dhe fondacionit “Action for Mothers and Children”.

Ajo fluturoi nga Los Angeles në New York vetëm për një ditë që të mbajë një fjalim të shkurtër dhe të jetë në mbështetje të fondacioneve që punojnë për të mirën e shoqërisë në Kosovë, shkruan Telegrafi.

Lipa gjatë fjalimit të saj mes tjerash potencon faktin që “ende e presim vetëm një donator të respektojë marrëveshjen e donacionit për Sunny Hill Foundation rreth aktivitetit të këtij fondacioni me rastin e koncertit të mbajtur më datën 9 gusht në Prishtinë, në mënyrë që të kemi shumën finale që do të distribuohet në projekte të ndryshme në Kosovë”.

Dua duke buzëqeshur tha “We will not name any names ….yet” (nuk do të përmendim emra…ende), por shpreson që shumë shpejt premtimet do të përmbushen dhe “Sunny Hill Foundation” do të del me shumën përfundimtare, e cila sipas burimeve tona, është diku rreth 110 mijë euro që presim të distribuohen gjatë vitit 2017.

Publikimi i të gjitha informatave pritet që të bëhen gjatë muajit dhjetor. Mbetet të shihet nëse pas një koncerti që do te mbahet mend për shumë kohë në Prishtinë, zotimet dhe premtimet e bëra do të respektohen nga kushdo për të cilët Lipa e kishte fjalën.

“Shpresojmë që në vend të “name and shame (emri dhe trupi)” do të kemi fjalë falënderuese për të gjitha ata që na ndihmuan në këtë aktivitet”, tha për Telegrafin Dukagjin Lipa, drejtori i “REPUBLIKA Communications Agency” dhe kryesues i “Sunny Hill Foundation”.

Kujtojmë se “Sunny Hill Foundation” është fondacion nën patronatin e Dua Lipës dhe në bordin e saj të drejtorëve dhe në mesin e miqve të fondacionit gjendet edhe Bujar Musa (IPKO, Scardian), ambasadori britanik në Kosovë, Ruairi O’Connell, ish-presidenten e Kosovës, Atifete Jahjaga dhe shumë miq të tjerë të saj dhe të fondacionit.