Suning 150 milionë euro për blerje, këta janë lojtarët që kërkohen

Kompania Suning nuk ka ndërmend të ndalet së investuari tek Interi.

Sipas asaj që publikohet në mediat italiane, kompania kineze që ka marrë pronësinë e klubit zikaltër ka vendosur të akordojë një fond prej 150 milionë eurosh për afatin e verës.

E gjithë kjo që të ofrojë futbollistë shumë cilësorë për të rritur akoma më shumë nivelin e skuadrës.

Prioriteti i Interit është përforcimi i mbrojtjes dhe emri që po përmendet më shumë është ai i Stefen De Vrij nga Lazio që mund të merret për më pak se 40 milionë Euro, shifër që pretendohet nga PSG, Roma, Napoli e Benfica për Marquinhos, Manolas, Koulibaly dhe Felipen.

Përsa i përket mesfushës, drejtuesit e klubit milanez vlerësojnë në maksimum Muriel e Schick dhe tashmë i duhet të bëjnë llogaritë me Sampdorian sidomos për sulmuesin.

Por jo vetëm kaq, Inter po monitoron me vëmendje situatën e Alexis Sanchez që kërkohet edhe nga Juventusi, ndërkohë që Griezmann është ëndrra e madhe e zikaltërve, me francezin që ka një klauzolë prej 100 milionë eurosh për zgjidhjen e kontratës me Atletico Madrid.

Drejtuesit e Interit nuk kanë lënë jashtë vëmendjes së tyre as futbollistët italianë duke i hedhur sytë nga Bernardeschi e Berardi.