Sulmuesi i Barcelonës, Sergio Aguero është detyruar të largohet nga fusha pas problemeve me frymëmarrje

Transferimi i Sergio Aguero në Barcelonë nuk është kah shkon sipas planit, ku argjentinasi la Manchester Cityn në verë për tu bashkuar me Lionel Messi në Camp Nou.

Megjithatë, menjëherë pas mbërritjes së tij, Messi nuk qëndroi në Barcelonë, duke kaluar te Paris Saint-Germain. Aguero para sezonit mori një dëmtim, që e la jashtë për disa kohë.

Por Aguero tani është kthyer në formë dhe po kërkon të ndihmojë Barcelonës të largohet nga kjo situatë e vështirë që e ka kapluar skuadrën.

Ai e filloi ndeshjen kundër Alaves të shtunën në mbrëmje – ndeshjen e parë nën drejtimin e trajnerit të përkohshëm, Sergi.

¡Qué no sea nada, Kuni! 🙏🙏

La imagen de Agüero, antes de ser reemplazado en el primer tiempo frente al Alavés. El argentino mostraba signos de tener una molestia debajo del cuello. Todavía no hay precisiones sobre lo que le pasó. pic.twitter.com/hGwzBEcZld

— TyC Sports (@TyCSports) October 30, 2021

Megjithatë, Aguero luajti vetëm 41 minuta dhe u zëvendësua.

Sulmuesi dukej se po luftonte që të marrte frymë dhe kishte shqetësime, ku menjëherë reagoi stafi mjekësor.

Aguero ishte në gjendje të dilte nga fusha pa ndihmën e barelës, por sigurisht që ishte një shqetësim.

Watching the Barcelona match and Aguero had to go off after clutching his chest and laying on the floor having breathing problems. Very bizzare to watch. Hope he is ok pic.twitter.com/uWibeV5VQG

— Simsy (@NotSoGreatReset) October 30, 2021

Ai u zëvendësua nga Philippe Coutinho.

Ndeshja ishte e barabartë pa gola në ato momente. /Telegrafi/