Steven Gerrard ka një kërkesë për Liverpoolin dhe shpreson t’i realizohet

Steven Gerrard beson se Jurgen Kloppit duhet t’i ndërtohet një statujë para stadiumit të Liverpoolit ‘ Anfield Road’.

The Reds janë aktualisht 25 pikë larg vendit të dytë Manchester Cityt dhe ata mund të fitojnë titullin e Ligës Premier, nëse Manchester City dështon ndaj Arsenalit dhe ata triumfojnë ndaj Evertonit të dielën.

“Duke njohur Jurgenin, ai nuk do të dëshirojë të futet në këtë udhë,” ka thënë Gerrard në një intervistë për The Athletic.

“Unë e di se si është ai, është i përulur dhe i respektueshëm. Kur ju shikoni shkallën e punës që ai ka bërë, me siguri ai meriton të përmendet në të njëjtën frymë si ata trajnerët ikonikë”.

“Ajo që ju duhet të merrni parasysh është se kur Jurgen mori Liverpoolin ata nuk ishin afër të ishin skuadra më e mirë në vend, ata nuk ishin as në katër të parët”.

“Për të ardhur në Liverpooli, kur e bëri, të arrijë në finalet, të dorëzojë Kupën e gjashtë të Evropës dhe pastaj të dorëzojë titullin e parë të ligës pas 30 vjetësh”.

“Për mua, dikush si Jurgen duhet të shpërblehet tani. Duket sikur në futboll shpesh presim derisa njerëzit të rriten para se të njihen plotësisht arritjet e tyre”.

“Por, unë e di se pronarët e Liverpoolit nuk do ta lejojnë këtë gjë. Kur Jurgen të dorëzojë trofeun e ligës ata tashmë duhet të fillojnë punën për një statujë të tij”, ka shtuar më tej legjenda e klubit anglez.

Gerrard, i cili shënoi 186 gola në 710 paraqitje për Liverpool, nuk arriti të fitonte titullin e Ligës Premier përderisa ishte lojtar në Anfield. /Telegrafi/