Spasovski: Ende s’ka infromacione për Demirin dhe Ismailoviq

Ministri i Punëve të Brendshme Oliver Spasovski deklaroi se ende nuk kanë marrë informacione se ku gjenden Alil Demiri dhe Afrim Ismailoviq të cilët akuzohen për rastin “Mostra”.

Ai në pyetje të gazetarëve për kët rast, përgjigjen ia drejtoi homologut të tij nga Kosova Ekrem Mustafa i cili tha se s’ka informacione se ku gjenden Demiri dhe Ismailoviq duke cekur se Prishtina do të bashkëpunojë me Shkupin dhe do të veprojë sipas ligjeve në lidhje me ekstradimin e tyre në Maqedoninë e Veriut, përcjell Telegrafi Maqedoni.

“Për momentin s’kemi informacione se ku gjenden, por sipas procedurave ligjore ne do të veprojmë dhe do të bashkëpunojmë me Maqedoninë e Veriut”, deklaroi Mustafa duke u përgjigjur në pyetjen nëse ka informacione se ku gjenden Demiri dhe Ismailoviq dhe kur do të ekstradohen.

Alil Demiri dhe Afrim Ismailoviq, akuzohen për vrasjen e pesëfshitë në Liqenin e Smillkovës që ndodhi para 7 viteve pikërisht më 12 prill. Që të dy u arratisën në Kosovë, ndërsa autoritetet në Shkup u lëshuan fletarrest ndërkombëtar dhe nga Kosova kërkuan të ekstradohen në vend./Telegrafi/