Spasovski: Disa nga zyrtarët policorë që janë larguar nga puna kanë certifikata të NATO-s

I vetmi shpjegim logjik për një situatë të tillë është mbulimi i incidentit me bombën në Keramidnicë, dhe në të njëjtën ditë u bë publikimi i një lajmi tjetër, kështu thotë koordinatori i Grupit Parlamentar të LSDM-së, Oliver Spasovski për shkarkimin e djeshëm të 15 zyrtarëve të policisë për shkak të dhënies së paligjshme të lejeve për armë.

Sipas Spasovskit, absolutisht nuk lejohet që njerëzit të poshtërohen, edhe pse, siç informon ai, deri më tani nuk janë ndëshkuar apo ndjekur penalisht.

“Të gjithë kanë certifikata, disa prej tyre kanë edhe certifikata të NATO-s dhe e kanë kryer punën e tyre me ndërgjegje, ndershmëri dhe përgjegjësi. Është e papranueshme që në këtë mënyrë të ushtrohet një presion i tillë dhe të mbillet frikë tek të gjithë punonjësit e Ministrisë së Punëve të Brendshme përmes rasteve të tilla”, pohon ish-ministri i Punëve të Brendshme.

Ministri Pançe Toshkovski informoi se personat që nuk janë më pjesë e policisë, jo vetëm që kanë dhënë aty ku nuk duhet, por edhe personat të cilët i plotësojnë kushtet ua kanë hequr të drejtën për leje për armë.

“Është konstatuar se një numër i madh i rasteve, mbi 5000 lëndë, nuk janë trajtuar në të kaluarën. Në të njëjtën kohë, një numër i madh i rasteve kur aplikantët nuk i plotësonin kushtet sipas ligjit, u është dhënë leja për posedim të lejes së armës”, tha ministri sot në një konferencë për media./Telegrafi/