LAJMI I FUNDIT:
Mitrovica 1° cloudy

Skulptura e Leutrim Ahmetit, Behramaj: Është pritur shumë mirë dhe i ka prekur zemrat e secilit

Skulptura e Leutrim Ahmetit, Behramaj: Është pritur shumë mirë dhe i ka prekur zemrat e secilit
Skulptura e Leutrim Ahmetit

Skulptura e Leutrim Ahmetit që do të vendoset në Skenderaj është kthyer në një temë që po diskutohet shumë, pasi historia e tij ka prekur shumë njerëz në Kosovë.

Leutrim Ahmeti është njëri nga fëmijët shqiptarë që u vra nga forcat serbe gjatë luftës së fundit në Kosovë. Ai ishte 7- vjeçar dhe ndërroi jetë me 11 shtator 1998 në spitalin ushtarak në Gradicë të Drenasit, ku edhe u varros.

Skulptura e Leutrim Ahmetit, e realizuar nga skulptori Sabri Behramaj

Ndërsa, tetë muaj pas vrasjes së Leutrimit, në vijën e parë të frontit të luftës, ra heroikisht edhe babai i tij, komandant Malush Ahmeti, shkruan Telegrafi.


Skulptori që ka bërë këtë vepër artistike, Sabri Behramaj, në një intervistë për Telegrafin ka thënë se fillimisht ishte frymëzuar nga intervista e Nusret Pllanës me nënën e 7-vjeçarit, e cila ishte shpërndarë edhe në rrjetet sociale.

“Pasi e dëgjova rrëfimin e nënës u preka thellë dhe për një moment e ndjeva si obligim që të bëj diçka nga mundësitë e mia për ta kthyer ngjarjen në vepër arti”, ka thënë Behramaj.

Behramaj është shprehur optimist se skulptura e Leutrim Ahmetit ka përcjellë mesazhin në formën më të mirë, kështu duke i rikthyer brezat e rinj edhe njëherë në histori jo të largët për të mos i harruar dhe nderuar të gjitha viktimat e gjenocidit serb që ranë për lirinë e Kosovës. Njëkohësisht edhe për të bashkëndjerë dhimbjen me prindërit dhe familjarët e të rënëve.

Skulptori, Sabri Behramaj

“Skulptura është pritur shumë mirë, është vlerësuar shumë dhe i ka prekur vërtetë zemrat e secilit. Është bërë virale gjithandej globit dhe i ka tejkaluar pritshmëritë e mia”, ka thënë tutje skulptori.

Ai është shprehur se skulptura është ideuar, iniciuar dhe financuar nga buxheti familjar dhe se finalja është bërë në bronz.

Behramaj ka theksuar se ka realizuar shumë vepra të tilla artistike dhe secila prej saj, ka historinë e vet që njëkohësisht e krijon edhe emocionin e veçantë.

Skulptori ka potencuar se së fundmi ka realizuar skulpturën e komandantit legjendar, Adem Jasharit që është vendosur në Mitrovicë. Një tjetër bust që i dhuron emocion të veçantë skulptorit është dhe ai i Hasan Prishtinës që është vendosur në shkollën normale të Elbasanit, e që ishte i financuar nga fondacioni “Hasan Prishtina”.

Së fundmi, Behramaj nuk harron ta përmend dhe skulpturën e ish-sekretares së shtetit të ShBA-së, Madeleine Albright që është vendosur në qytetin e Skenderajt.

Ndryshe, gjatë luftës së fundit në Kosovë, në vitet 1998-99 nga forcat serbe janë vrarë mbi 1 mijë fëmijë dhe mbi 100 konsiderohen të zhdukur.  /Telegrafi/

Në trend

Më shumë
“U hap kutia e Pandorës!” Eksperti: Shqipëria dhe Kosova duhet të armatosen

“U hap kutia e Pandorës!” Eksperti: Shqipëria dhe Kosova duhet të armatosen

Lajme
Numërohen mbi 63 për qind të vendvotimeve, KQZ jep detaje

Numërohen mbi 63 për qind të vendvotimeve, KQZ jep detaje

Lajme
Dallimet mes urimeve të presidentëve amerikanë Trump dhe Biden për Pavarësinë e Kosovës

Dallimet mes urimeve të presidentëve amerikanë Trump dhe Biden për Pavarësinë e Kosovës

Lajme
Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Turqia
Miku tjetër flet për aludimet që Gjesti ka ushtruar dhunë në Diellzën: Secili çift ka mosmarrëveshje, ulje dhe ngritje në raport - unë nuk e di

Miku tjetër flet për aludimet që Gjesti ka ushtruar dhunë në Diellzën: Secili çift ka mosmarrëveshje, ulje dhe ngritje në raport - unë nuk e di

Magazina
Zbulohet raporti mes Xhenetës dhe banorit të ri të Big Brother VIP Albania, Kelly

Zbulohet raporti mes Xhenetës dhe banorit të ri të Big Brother VIP Albania, Kelly

Magazina
Kalo në kategori