Simeone pas eliminimit: Chelsea ishte më i mirë, duhet ta përgëzojmë dhe të mendojnë përsëri në La Liga

Trajneri i Atletico Madridit, Diego Simeone ka folur pas humbjes dhe eliminimit nga Chelsea në kuadër të 1/8-tës në Ligën e Kampionëve.

Atletico Madridi u mposht me rezultat 2-0 në ndeshjen kthyese apo në total 3-0 nga dy ndeshjet, duke u eliminuar nga gara elitare e klubeve evropiane.

Ky eliminim ka lënë shije të hidhur te klubi nga Madridi, por trajneri Simeone e ka përgëzuar ekipin anglez për lojën dhe kualifikimin.

Lexo po ashtu Chelsea fiton pastër dhe kalon në çerekfinale të Ligës së Kampionëve

“Në dy ndeshjet ata ishin fitues të ndershëm”, ka thënë fillimisht Simeone pas ndeshjes ndaj Chelseat.

“Ndeshja e parë ishte e barabartë dhe sot ata ishin superiorë. Ne u përpoqëm t’i bëjmë presion të lartë dhe t’ia bëjmë të vështirë për t’u larguar, por ata vazhduan përsëri”.

Simeone ishte mospërfillës kur u pyet për penalltinë që bërtiti Atletico në pjesën e parë.

Lexo po ashtu Notat e lojtarëve, Chelsea 2-0 Atletico Madrid: Ziyech yll i mbrëmjes

“Unë nuk jam duke kërkuar justifikime. Ata ishin më të mirë”.

“Kur rivali është më i mirë, duhet të përgëzoni dhe rivendoseni veten për të menduar përsëri për La Ligën”, përfundoi trajneri i Atleticos. /Telegrafi/