Simeone e pranon se Godin mund të largohet: Klubi nuk ka mbajtur premtimet ndaj tij

Teksa në mediat e mëdha botërore vazhdojnë raportimet se Interi dhe Diego Godin tashmë janë pajtuar për një transferim gjatë verës, këto zëra i mohon trajneri i Atletico Madriit, Diego Simeone.

Por, tekniku argjentinas nuk përjashton mundësinë që mbrojtësi nga Uruguai të largohet pasi klubi spanjoll nuk i ka plotësuar gjërat që ia ka premtuar lojtarit.

“Godin nuk ka nënshkruar marrëveshje me Interin, por e vërteta është se Atletico kishte bërë disa premtime lojtarit pasi ky e refuzoi Manchester Unitedin, por nuk i ka mbajtur kurrë premtimet”.

“Ata ende nuk kanë bërë ndonjë ofertë për rinovimin e kontratës së Godin. Klubi dhe lojtari janë në kërkim të një zgjidhje sa më të mirë për të dy palët”.

“Godini dhe klubi e dinë se çfarë mendoj për këtë situatë. Nëse ai qëndron me ne, do të jetë për më të mirën e tij dhe të klubit”, ka thënë Simeone në konferencën për media.

Lexo po ashtu Juventusi dhe Interi në garë për dyshen e talentuar italiane

Edhe pse lojtari ka 32 vite mbi supe, ai cilësohet si një nga më të mirët aktualisht në botë në rolin e tij.

Interi para disa vitesh kishte transferuar nga Atletico Madridi edhe mbrojtësin Joao Miranda. /Telegrafi/

https://www.youtube.com/watch?v=qf0DiXomlD4