Si t’i hiqni tapetat e vjetra nga muret

Nëse keni vendosur të rinovoni enterierin tuaj, tapetat e vjetra mund t’ju krijojnë mjaft probleme…

Tapetat janë zgjidhje e shkëlqyeshme të cilat ju ndihmojnë që për një kohë shumë të shkurtër të rregulloni muret e shtëpisë suaj. Mirëpo, kur vjen momenti i heqjes së tapetave, atëherë gjërat bëhen krejtësisht ndryshe, transmeton Telegrafi.

Varësisht nga vjetërsia e tapetave dhe e cilësisë së tyre, ato mund të hiqen lehtë, por edhe shumë vështirë.

Kryesisht është rasti që me tapetat të mundohemi dhe që mezi i heqim nga sipërfaqet e mureve të shtëpive tona, sepse ato shqyhen, gërvishten dhe sepse nëpër mure lënë gjurmë ngjitësi dhe letre.

Mirëpo, ekziston mënyra shumë e lehtë dhe e thjeshtë e cila do t’ju mundësojë që lehtë t’i hiqni tapetat e vjetra.

E gjitha që duhet të bëni është që të njomni tapetat tuaja dhe ato shumë më lehtë do të hiqen.

Përdorni ujë të nxehtë të cilin do ta spërkatni nga shishet e shpuara apo me spërkatëse dhe t’i njomi mirë tapetat tuaja.

Gjithashtu në ujë mund të qitni edhe pak zbutës rrobash, i cili do të zbusë edhe më shumë tapetat dhe i cili do të dobësojë ngjitësin e tyre.

Tapetat mund t’i pritni butësisht me bisturi, në mënyrë që uji më mirë të depërtojë deri te ngjitësi.

Kur t’i njomni tapetat, vetëm merrni gërryese të zakonshme dhe thjesht gërryeni dhe muri juaj do të bëhet si i ri.

Shikojeni video-klipin:

/Telegrafi/