Si do të ndikojë te Chelsea sanksioni për mos transferimin e lojtarëve – situata e nëntë yjeve si Hazard, Morata, Higuain, Kovacic dhe Pulisic

FIFA e ka goditur sot Chelsean, duke ia ndaluar transferimin e lojtarëve për dy afate kalimtare.

Kjo i bie që ata nuk do të mund të nënshkruajnë me lojtarë deri në verën e vitit 2020 dhe kjo i bie që i gjithë tregu i transferimeve mund të tronditet, pasi prek disa klube.

Ata mund të jenë në gjendje ta apelojnë dhe të shtyjnë dënimin, që të nënshkruajnë me lojtarë këtë verë, por kjo nuk ka siguri.

Lexo po ashtu FIFA dënon Chelsean për transferimin e të miturve, Blutë nuk mund të transferojnë në dy afatet e ardhshme

Real Madridi dhe Atletico Madridi janë dy klube të cilat e kishin pësuar nga kjo, ndërsa ka edhe klube të tjera në një situatë të ngjashme.

Marca i hedhim një vështrim situatave më specifike të disa prej lojtarëve kryesorë të klubit.

Eden Hazard

Belgu njoftoi kohëve të fundit se ai kishte marrë një vendim për të ardhmen e tij, duke qenë se prej kohësh ishte i lidhur me një transferim në Real Madrid, por situata e tij tani mund të ndryshojë.

Kontrata e tij skadon në vitin 2020 dhe ka pasur një shans që ai të shitet këtë verë, por Chelsea tani mund t’ia mbyllë derën e daljes, pasi ata nuk do të mund ta zëvendësojnë atë.

Lexo po ashtu Real Madridi i bindur në transferimin e Hazardit, përdorë taktikat e njëjta sikurse ato me Courtois

Kjo, megjithatë, mund ta shihte atë të largohej si lojtar i lirë në verën e vitit 2020.

Alvaro Morata

Spanjooli është aktualisht në huazim te Atletico Madrid dhe të drejtat e tij ende i përkasin Chelseat.

Megjithëse marrëveshja e tij e huazimit shkon deri në verën e vitit 2020. Në kontratën e tij ekziston një klauzolë që ua lejon ‘Bluve’ ta kthejnë që këtë qershor.

Megjithatë, Atletico Madrid mund të përgjigjet duke shkuar me opsionin e blerjes.

Mateo Kovacic 

Të drejtat e Kovacic i përkasin Real Madridit, pasi ai është aktualisht në huazim në Stamford Bridge.

Edhe pse 24-vjeçari ka thënë se është i lumtur në Londër dhe megjithëse dëshiron të qëndrojë, vërja e sanksioneve mund ta ndryshojë situatën.

Qëllimi i Chelseat ishte të negociojë një transferim të përhershëm me Real Madridin, por tani duket e pamundur.

Gonzalo Higuain

Situata e argjentinasit mund të jetë më e komplikuara. Ai është në huazim nga Juventusi deri në qershor të vitit 2019 dhe ka një opsion blerjeje që do të jetë i detyrueshëm nëse ai do të përmbushë disa kushte që janë shumë të arritshme.

Por aktivizimi i këtij opsioni do të shikohet nga FIFA si një transferim i ri.

Lexo po ashtu Chelsea dëshiron transferimin e Higuainit me ulje çmimi

Nëse ndalimi i transferimit zbatohet përpara se Chelsea ta zgjaste kontratën me sulmuesit, atëherë ai duhet të kthehet në Juventus.

Prandaj Chelsea pritet të kërkojë pezullimin e përkohshëm të sanksionit, që t’i mbyll disa marrëvshje huazimi.

Christian Pulisic

Amerikani do të jenë në gjendje të bashkohen me Chelsean pavarësisht sanksionit.

Ai nënshkroi me klubin londinez në janar dhe aktualisht është te Borussia Dortmund si huazim.

Huazimi përfundon në fund të këtij sezoni dhe ai mund të shkojë në Stamford Bridge pa asnjë problem.

David Luiz, Olivier Giroud, Gary Cahill dhe Willy Caballero

Kontratat e këtyre lojtarëve përfundojnë në verë, por mund të rinovohen nëse klubi dëshiron.

Lexo po ashtu Nga Hazard te David Luiz, Chelsea pritet t'i humb gjatë verës shërbimet e tetë lojtarëve

Giroud mund të zgjasë marrëveshjen e tij nëse klubi nuk ka sulmues të tjerë.

David Luiz është lojtari i dytë më i preferuar nga Maurizio Sarri , ndërsa Cahill ka një rol më pak të rëndësishëm.

Caballero pritet të lirohet. /Telegrafi/