Si një “fjalë goje” po ia rrit mundësitë për fitore Harrisit kundër Trumpit

Kamala Harris e nisi garën presidenciale amerikane me Donald Trumpin me një disavantazh të madh bazuar në sondazhe dhe vetëm pak javë më vonë ajo është e barabartë apo edhe në krye. Analistët thonë se kthesa ka ndodh vetëm për një “fjalë goje”.

Kjo fjalë është “e çuditshme” ose “i çuditshëm”, ku Harris dhe kandidati i saj për zëvendëspresident, Tim Walz po e përdorin atë për të përshkruar fushatën e kandidatit republikan për president të SHBA-së dhe pretenduesit për postin e zëvendëspresidentit, JD Vance.

Disa analistë besojnë se Harris zgjodhi Walzin pikërisht sepse ai ishte i pari që J.D. Vance “njeri i çuditshëm”. Deklarata u bë shumë shpejt virale dhe zyrtarët filluan ta përdorin atë dhe ekipi i Harrisit e mori atë si një sinjal se në cilin drejtim të vazhdonin garën presidenciale, shkruan bbc.

Së shpejti mund të vërehet një ndryshim i rëndësishëm në ton, i cili ende dërgon një mesazh për kërcënimin e paraqitur nga Trumpi dhe rikthimin e mundshëm në Shtëpinë e Bardhë, por ai e bën këtë në një mënyrë tjetër që do të jetë më e lehtë për t’u kuptuar nga të gjithë – nga të rinjtë në votuesit e pavendosur, të cilët janë çelësi i fitores.

Kur flasin për Trumpin dhe Vancen, Harris dhe Walz përdorin terma që mund të përshkruhen më shumë si “popullore” dhe shmangin përshkrimet që janë standarde për politikën. Shembulli më i mirë i kësaj është një deklaratë e fundit e një zëdhënësi të fushatës, i cili e përshkroi Trumpin si “një person me të cilin nuk do të doje të uleshe në një restorant”.

Kjo është një kritikë e pazakontë, të paktën për arenën politike amerikane, por që dërgon një mesazh të qartë për të gjithë votuesit.

Ironia në këtë situatë është se një arsye e rëndësishme për fitoren e zgjedhjeve të Trumpit në vitin 2016 ishte pikërisht “ulja” e retorikës në nivelin e njeriut të zakonshëm. Me fjalë të tjera, ai përdori fjalor të thjeshtë për të përshkruar gjërat për të cilat politikanët kanë folur prej vitesh në një lëmsh termash të ndërlikuara, prandaj shumë votues as nuk e kuptonin plotësisht se për çfarë po flisnin.

Tani, Harris dhe Walz, në një farë mënyre, kanë vendosur të bëjnë të njëjtën gjë, por terminologjinë iu janë përshtatur personazheve si Trumpi dhe Vance.

Është e rëndësishme të theksohet se, ndryshe nga Trumpi në vitin 2016, Harris dhe Walz nuk duan të shpjegojnë në këtë mënyrë proceset e ndërlikuara politike që lidhen me pozicionin e presidentit amerikan, Joe Biden por më tepër të shpjegojnë me fjalë të thjeshta se çfarë lloj njerëzish janë Trumpi dhe Vance.

Për t’i bërë gjërat më mirë për fushatën demokrate, çdo përpjekje e Trumpit dhe Vancet për të “mbrojtur” veten kundër kësaj retorike dështoi. Ata po përpiqen të ndryshojnë rrjedhën e garës përmes sulmeve kryesisht ndaj Walzit dhe përvojës në Gardën Kombëtare, por mesazhi nga fushata e Harrisit, të paktën tani për tani, po rezonon shumë më mirë. /Telegrafi/