Si duket qepja pas lindjes dhe përse bëhet kjo? Çdo gjë që duhet patjetër të dini për epiziotominë

Gjatë lindjes natyrale jo rrallë bëhet epiziotomia – ndërmarrje kirurgjikale që përdoret për të penguar shqyerjen e pakontrolluar të vagjinës dhe të rrugëve të buta të lindjes

Aplikohet sipas vlerësimit të mamive dhe mjekut që di ndihmojnë shtatzënës të lindë, nuk mund të paraplanifikohet, por për këtë procedurë vendoset aty për aty.

Aplikohet vetëm kur ekziston rreziku evident që të ndodhë këputja spontane e perineumit, ai dëshiron të shpejtojë lindjen ose ka një arsye tjetër të justifikuar për këtë ndërhyrje, transmeton Telegrafi.

Nëse paraqitet nevoja, mamia me gërshërë apo me një bisturi të vogël bën prerjen e indeve të buta të murit vagjinal.

Më së shpeshti pritet pjerrtas, në drejtim të jashtëm, në gjatësi prej disa centimetrash. Këto prerje gruaja as që i ndien, sepse në atë moment ka preson të fuqishëm të kokës së bebes në perineum.

Pas lindjes dhe ekzaminimit të mitrës, prerja duhet të qepet.

Pikërisht këtë procedurë e ka treguar mamia Jon Lenox, videon e kanë parë mbi 35 milionë njerëz!

Lenox ka treguar se si bëhet qepja me ndihmën e një kukulle.

#stitches #nursetok #nurse #fyp ♬ EminemRemix. Bilston.Web – Francesco

– Nëse njerëzit tmerrohen për shkak të kësaj lindjeje që ne simulojmë me një kukull, atëherë ata nuk do të donin të ishin as në sallën e lindjes – ishte plotësisht e sinqertë mamia.

Gjithashtu, ajo theksoi se gratë shtatzëna duhet të jenë të vetëdijshme se kjo nuk është asgjë e tmerrshme, se epiziotomia bëhet me anestezi dhe se do t’i ndihmonte gjatë lindjes.

Plaga e epiziotomisë zakonisht shërohet në jo më shumë se dhjetë ditë, dhe vetë procesi i rigjenerimit fillon tetë orë pas lindjes. Rekomandohet që të mos ngriheni për të paktën disa orë menjëherë pas lindjes. Penjtë që ndodhen në plagë resorbohen në mënyrë spontane dhe nuk është e nevojshme t’i hiqen ato, dhe vraga që mbetet pas një epiziotomie është mezi e dukshme në shumicën e grave.

Është shumë e rëndësishme që të kujdeseni siç duhet për epiziotominë, në mënyrë që të mos shfaqen infeksione dhe inflamacione të padëshiruara. Higjiena e plagës mbahet vetëm me ujë të ngrohtë, pa përdorimin e produkteve kozmetike. Brenda gjashtë javëve të kujdesit adekuat, plaga shërohet plotësisht dhe perineumi shërohet.

Por pavarësisht nga metodat dhe preparatet shëruese që përdorni, do të duhen disa javë para se të ndiheni plotësisht rehat me të.

Do të ishte mirë të ndiqni këshillat e mëposhtme në mënyrë që plaga e epiziotomisë të shërohet sa më shpejt dhe të bëhet funksionale dhe e lëvizshme.

1. Shmangni larjen në një banjë të ngrohtë

Derisa plaga të shërohet, lahuni në këmbë, pa përdorur asnjë preparat vagjinal.

2. Thajeni plagën sa herë që është e mundur

Përpiquni ta thani plagën me ajër shumicën e kohës pa veshur rroba mbi të. Ndërsa jeni shtrirë, vendosni një jastëk thithës poshtë vetes, në mënyrë që të mos shqetësoheni për gjakderdhjen.

Në situatat kur ju duhet, është mirë të vishni brekë të posaçme rrjetë që mund t’i blini në farmaci dhe sigurohuni që të vendosni një jastëk të rregullt pambuku në to. Përpiquni t’i ndërroni jastëkët sa më shpesh që të jetë e mundur, d.m.th mbajeni jastëkun e lagur në plagë sa më të shkurtër që të jetë e mundur.

3. Shtrihuni sa më shumë

Si për shkak të gjendjes së përgjithshme të trupit ashtu edhe për shkak të epiziotomisë, përpiquni të pushoni dhe të shtriheni sa më shumë. Lërini të tjerëve ngritjen dhe mbajtjen e sendeve të rënda.

4. Ngrihuni nga shtrati me shumë kujdes

Kur ngriheni nga një pozicion shtrirë, bëjeni në anën tuaj, derisa të jeni rikuperuar mjaftueshëm.

5. Shmangni marrëdhëniet seksuale

Derisa plaga e epiziotomisë të jetë shëruar plotësisht dhe trupi juaj të jetë rikuperuar, nuk rekomandohet marrëdhënie seksuale. Pas gjashtë deri në tetë javë pas lindjes, sigurohuni që të vizitoni një gjinekolog i cili do t’ju japë udhëzime të mëtejshme.

6. Ushqehuni shëndetshëm dhe pini shumë lëngje

Gjatë periudhës kur jeni duke u rikuperuar nga një epiziotomi dhe lindja, është e rëndësishme të pini mjaftueshëm lëngje dhe të hani një dietë të shëndetshme. Nëse nuk keni probleme me tretjen, rikuperimi do të jetë më i lehtë.

7. Për kujdesin e plagëve, përdorni tre përqind hidrogjen, pastaj povidon jod

Nëse vëreni ndonjë ndryshim të pazakontë në plagë, si p.sh.: gjakderdhje më e madhe, dhimbje të forta, sekrecione me erë të keqe – kontaktoni menjëherë gjinekologun tuaj. /Telegrafi/