Shumëkëmbëshi helmues i vërsulet tajlandezit njëvjeçar, reflekset e shpejta të ëmës e shpëtojnë nga kafshimi vdekjeprurës

Reflekset e shpejta të nënës, e kanë shpëtuar të birin e saj nga kafshimi vdekjeprurës i shumëkëmbëshit në Tajlandë.

Njëvjeçari Nong po luante me macen e tij lodër në dyshemenë e dhomës në Bangkok, kur krijesa helmuese filloi të lëviz me shpejtësi në drejtim të tij, transmeton Telegrafi.

E kamerat e sigurisë brenda dhomës kanë kapur momentin kur vogëlushi për “një fije floku” i shpëton sulmit. Aty shihet se si shumëkëmbëshi vërsulet në drejtim të vogëlushit që po luante.

Kafshimi i këtij lloji të shumëkëmbëshit mund të jetë shumë i rrezikshëm, në veçanti për fëmijët e vegjël – sepse helmi mund t’ia përshpejtoj rrahjet e zemrës dhe t’i shkaktoj probleme në frymëmarrje.

Megjithatë, e ëma e Nongut nuk ishte e vetëdijshme që brenda dhomës ku ajo po qëndronte e shtrirë ishte një krijesë vdekjeprurëse, që ishte nisur në drejtim të birit të saj derisa ajo po luante me telefon.

E pikërisht kur dukej se do ta kafshonte, e ëma reagoi shpejtë duke e kapur vogëlushin. Aty reagoi edhe gjyshja e djalit e cila e nxori jashtë. /Telegrafi/

https://www.youtube.com/watch?v=BvuhIaevo-Y