Kombinimet zi-bardhë tani janë të pasuruara me tufne, trekëndësha, katrorë, rrathë, vija...
Reduktimi i veshjes në vetëm një apo dy ngjyra mund të duken dukshëm imagjinative, me kusht që të mos jetë fjala për kombinimin e së zezës dhe së bardhës, transmeton Telegrafi.
Tunikat asimetrike, këmishët apo rrobat e gjumit kombinohen kryesisht me pantallona, qofshin një njëngjyrëshe me këmbë të gjera apo me dezen dyngjyrësh në formë të shallvareve të stilizuara.
Dukje më solemne arrihet me fundet dhe fustanet të cilat, gjithashtu, janë të zeza, të bardha apo të punuara nga pëlhura të cilat kanë vetëm këto dy ngjyra. Madje edhe kur nga koka deri te thembrat visheni në lëkurë, mund të respektoni këtë trend mode.
Në ofertë është lëkura krehur, në formë të dheut të plasaritur, e cila, për ta shmangur monotoninë, xhaketa mund të ketë lara jo të tepërta ndërkaq në pantallona diçka më të theksuar dhe anasjelltas.
Ashtu mund të jenë edhe këpucët edhe çanta, mirëpo kini kujdes të mos e teproni.
Së paku le të jetë vetëm një copë e rrobave dhe detajet e modës të jenë njëngjyrëshe, sipas mundësisë të zeza, në mënyrë që i gjithë kombinimi të arrijë efektin.
