Shkaqet që shtyjnë në shtrëngimin e dhëmbëve nuk janë plotësisht të njohura, por besohet se lidhen me stresin, ndonëse mund të jenë edhe një faktor kontribuues në ushtimat ose zhurmat ne veshë.
Spec. Dr. Arianita Shala – Zeka
Specialiste e Sëmundjeve të Dhëmbit me Endodoncion
Klinika Specialistike Stomatologjike “Dr.Nita”
044 695 002 & 038 754 926
Rr. Musatafa Venhari nr. 58, Dardani (mbrapa Bast Trade)
arianita.shala@gmail.com
Në shkrimin tim paraprak për problemin e shtrëngimit apo, siç njihet në termet mjekësore, bruksizmin, kam treguar se sipas studimeve, të paktën një në njëzetë persona janë të prekur nga kjo dukuri dhe vetëm një pjesë e tyre janë të vetëdijshëm se i shtrëngojnë dhëmbët në gjumë.
Sipas studimeve të fundit besohet se shtrëngimi i dhëmbëve mund të jetë një faktor kontribuues në ushtimat ose zhurmat ne veshë, që njihet si tinitusi, (tingull i zhurmshëm që ndodh në njërin apo në të dy veshët).
Ta kemi të qartë kjo nuk është pista e parë e dyshimeve të shkaktarëve të zhurmave në vesh, fillimisht duhet trajnuar nga mjekët e ORL-së, por në raste kur përkundër trajtimeve të problemeve me veshë, ankth dhe të tjera që shkaktojnë tinitusin, atëherë duhet parë se mos shkaktimi apo përkeqësimi i simptomave të tinitusit vjen nga shtrëngimi i dhëmbëve.
Shkaqet që shtyjnë në shtrëngimin e dhëmbëve nuk janë plotësisht të njohura, por besohet gjerësisht se lidhen me stresin, andaj, ndryshimet e përgjithshme pozitive që ndihmojnë për të lehtësuar stresin, mund të jenë zgjidhje ideale për problemin e bruksizmit, kjo nuk është gjithmonë funksionale dhe madje përpjekjet për të ulur nivelin e stresit mund të zgjasë me vite.
Më herët nuk është aluduar, por sipas studimeve të fundit, megjithatë, sforcimi i nofullave dhe muskujve që ndodhin si pasojë e shtrëngimit të dhëmbëve mund të jenë faktorë në shkaktimin e ushtimave në vesh, apo edhe anasjelltas.
Prandaj, nëse keni tringëllimë në veshët dhe keni disa simptoma të mëposhtme, nuk duhet ta përjashtojmë edhe shtrëngimin e dhëmbëve si kontribuues:
– Ushtima dhe zhurma në vesh përderisa provoni të flini.
– Dhëmbët e përparmë u janë bërë më të mprehtë me kalimin e kohës
– Smalti i dhëmbëve është hequr (shtresë mbrojtëse e dhëmbëve, më këtë rast aty rritet ndjeshmëria dhe rrezikohet më tepër nga sëmundjet e dhëmbit)
– Dhimbje të pashpjegueshme të dhëmbëve
– Dhimbje muskulore ose tension në zonën e nofullës
– Dhimbje në qafë
– Dhimbje koke
– Çrregullime të gjumit
Përderisa ushtimat dhe zhurmat në vesh janë një shqetësim i vazhdueshëm, besoj që do të ishte e mirëseardhur që të prekurit nga ky problem do të mund ta kuptonin që kjo vjen edhe si pasojë e shtrëngimit të dhëmbëve, dentistët janë në gjendje që të ofrojnë një zgjidhje e cila ndihmon në trajtimin e shtrëngimit të dhëmbëve.
Në shkrimin paraprak ju kam treguar se dentistët trajtojnë dukurinë e shtrëngimit apo kërcitjes së dhëmbëve duke e kërkuar thelbin e problemit dhe duke arritur në evidentimin e shkaktarëve. Fillimisht nëse kjo është shkaktuar nga radhitja jo e rregullt e dhëmbëve, numri jo adekuat i tyre, pozita e dhëmbëve, madhësia e tyre, forma por edhe pozita e nofullave. Në këto raste intervenohet në shkaktarin kryesor dhe më pas mënjanohet problemi.
Nëse shtrëngimi i dhëmbëve nuk vjen nga shkaktarët e lartpërmendur, atëherë konstatohet se kjo është si pasojë e faktorëve stresogjen. Në të tilla raste, dentisti përgatitë plastika individuale mbrojtëse (splinta) të mbahen gjatë natës me qëllim të bëhet mbrojta e dhëmbëve dhe u rekomandohet teknika të menaxhimit të stresit dhe konsultime me profesionistët.
Kjo metodë e thjeshtë e mbrojtjes së dhëmbëve nga shtrëngimi mund të ndihmojë gjithashtu për të lehtësuar ushtimat dhe zhurmat në veshë.
Në studimet e fundit në Angli është vërejtur se shumë pacientë që kanë mbajtur gjatë natës splintat dentare kanë treguar më pas se bëjnë gjumë më të mirë, ushtimat dhe zhurmat në veshë janë zvogëluar ose hequr fare dhe poashtu se partnerët e tyre kanë përfituar edhe pse nuk janë shqetësuar nga tingujt neveritës që lëshojnë dhëmbët duke u shtrënguar gjatë natës. /Telegrafi/
Promo
Reklamo këtu
Nga Emona Center
Nga Etna Group
Nga As Travel Club
Nga Spitali për trajtimin e varësive - Rezonanca 3
Lufta Prigozhin - Putin
Më shumë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Befasia e këtij fillim viti: Nga Spanja raportojnë se Messi po rikthehet te Barcelona
Surpriza tejet e veçantë për Vullnetin: Niset për në Negroc për t'i takuar familjarët e tij
Musk po shkakton telashe në Evropë - çfarë përfiton ai nga kjo?
Olta Gixhari shkëlqen në finalen e Big Brother VIP Kosova me një pamje mahnitëse
100 milionë euro? As kjo nuk e bindi yllin e Real Madridit të braktiste Bernabeun për Chelsean e Abramovichit
Xuxi surprizohet nga familja e tij në finalen e Big Brother VIP Kosova