Një shpërthim gazi ndodhi të premten në Zhuhai të Kinës, duke lënë të plagosur të paktën tre persona.
Sipas medieve të huaja, përcjell Telegrafi, ngjarja e cila pasoi në orët e para të mëngjesit, ndodhi në një hotel në qytetin jugor kinez.
Zona në të cilën ndodhi shpërthimi, ishte e mbushur me njerëz, bazuar në deklaratat e autoriteteve.
Pamjet të cilat u publikuan gjerësisht në rrjetet sociale, tregojnë shpërthimin e madh të zjarrit, si dhe tymin që përshkoi lagjen.
Më shumë se 55 zjarrfikës u mobilizuan për menaxhimin e flakëve, dhe zjarri u shua brenda një ore, potencuan autoritetet përkatëse. /Telegrafi/
