Shpërndarja e ushqimeve dhe medikamenteve në Dibër mund të bëhet deri ora 14:00

Ministria e Brendshme informon subjektet publike dhe ekonomike se shpërndarja e produkteve ushqimore, ilaçeve dhe mallrave të tjerë të nevojshëm në zonën ku është deklaruar kriza (komunat e Dibrës dhe Qendrës Zhupa) do të kryhet vetëm prej orë 8:00 deri në orën 14:00.

Për të vazhduar funksionimin e kapacitetit industrial “Knauf Radika” Dibër, sigurohet një qarkullim i sigurt i automjeteve për transportin e resurseve dhe mallrave në zonën ku është deklaruar kriza. Automjetet me të cilat dorëzohen mallrat dhe automjetet e ndërmarrjes “Knauf” lëvizin përmes pikës së sigurt në drejtim të TEC Shpilje dhe TEC Glloboçica ose pikës së sigurisë përmes Urës Boshkov, nga ku shoqërohen me polici në territorin e zonës së krizës.

Shkarkimi i mallrave do të bëhet ekskluzivisht nga persona që tashmë ndodhen në zonë të shpallur zë krizës, ndërsa shoferët e automjetit nuk do të lejohen të largohen nga automjetet.

Pas shkarkimit të mallrave, automjetet kthehen në një nga pikat e sigurisë ku bëhet edhe dezinfektimi./Telegrafi/