Kryetari i Komunës së Prishtinës, Shpend Ahmeti, ka reaguar ndaj një vendimi të Qeverisë së Kosovës për ndarjen e mjeteve për katedralen Notre Dame.

Sipas të parit të Prishtinës, përderisa kjo tragjedi ka prekur gjithë botën e edhe Kosovën, ka ngjallur edhe solidaritet gjithandej.

Megjithatë, siç ka thënë Ahmeti, duke parë lajmet botërore, shihet që paratë nuk do të jenë problemi i riparimit të saj, e cila me shpresë do të rinovohet shpejtë.

“Fondet të cilat Qeveria i ka ndarë do të ishte mirë t’i ridestinojë për strehim dhe renovim të shtëpive të disa rasteve të rënda sociale. Së fundmi kemi pas disa djegie të shtëpive në disa komuna si pasojë e fatkeqësive dhe familjet nuk kanë mundësi me i riparu. Për komunë të Prishtinës mund të ofrojmë informata”.

Fondi për rindërtimin e katedrales Notre Dame arrin në 1 miliard euro, bëhen të ditur disa nga donatorët Fondi për rindërtimin e katedrales Notre Dame arrin në 1 miliard euro, bëhen të ditur disa nga donatorët

“Francës ia kemi dëshmu miqësinë dhe solidaritetin dhe besoj se e dinë që e kemi sinqerisht dhembjen, dhe kjo nuk përmirësohet me para. Por, qytetarit tonë, shteti ka nevojë t’ia tregojë edhe solidaritetin edhe përkujdesjen”, ka shkruar Ahmeti në Facebook.

Ndryshe, kryeministri i Republikës së Kosovës, Ramush Haradinaj, në takimin e Forumit të Nivelit të Lartë për koordinimin e donatorëve ka thënë se do t’i propozojë Qeverisë ndarjen e një donacioni për renovimin e Katedrales Notre Dame, në shenjë mirënjohje për ndihmën që i është dhënë në vazhdimësi Kosovës.

Fondi për të rindërtuar Katedralen e Notre Dame ka arritur një miliardë euro vetëm dy ditë pas zjarrit.

Madje, sipas mediave të huaja, përcjell Telegrafi, organizatorët e një apeli për restaurim thanë se figura e pabesueshme po rritet gjatë gjithë kohës.

Kompanitë shumëkombëshe franceze janë ndër ata që kanë premtuar para për të rindërtuar katedralen mesjetare.

Kjo sasi e madh e parave, shkruajnë mediat, ka më shumë gjasa që të ndihmojë në atë që presidenti Emmanuel Macron tha se katedralja do të rivendoset në lavdinë e saj të mëparshme “brenda pesë vjetësh”.

Pamjet gjatë dhe pas tragjedisë - çfarë ka mbetur nga Notre Dame në Paris (Foto/Video) Pamjet gjatë dhe pas tragjedisë - çfarë ka mbetur nga Notre Dame në Paris (Foto/Video)

Nëse qëllimi arrihet, do të shihte vendin e çmuar dhe të rëndësishëm të restauruar në kohë për të organizuar Olimpiadën e vitit 2024 për në Paris.

“Ne do ta rindërtojmë Notre Dame edhe më bukur dhe unë dua që ajo të përfundojë në pesë vjet, ne mund ta bëjmë atë”, ka thënë z. Macron në një fjalim televiziv.

Katedralja e Parisit, Notre Dame, e cila është përfshirë nga zjarri ku si pasojë është shembur çatia, konsiderohet si një nga shembujt më të mirë të arkitekturës gotike të Francës.

Ndërtimi i saj kishte filluar në vitin 1163, kurse pjesa më e madhe e saj kishte përfunduar saktësisht 100 vite më vonë. Ajo ishte e lartë 128 metra dhe e gjerë 48 metra. /Telegrafi/