Shkuan në Korenë Veriore duke gënjyer se janë lojtar profesionistë të golfit, mësoni si kanë kaluar atje (Video)

Morgan Ruig dhe Evan Shy kishin vendosur të lajmërohen për pjesëmarrje në garën ndërkombëtare të lojës së golfit, por pjesëmarrja e tyre ishte tejet interesante për dy arsye. Së pari, Ruig dhe Shy asnjëherë më parë nuk kishin luajtur gol dhe e dyta, gara ishte mbajtur në Korenë Veriore.

Edhe pse të dy ishin të bindur se do t’ju refuzohet kërkesa, kjo në fakt nuk ndodhi. Ata morën ftesat zyrtare, por edhe pse ishin të shokuar vendosën të qojnë lojën deri në fund, dhe kështu blenë pajisjet dhe u nisën për Korenë Veriore, transmeton Telegrafi.

Organizatorët dhe garuesit tjerë ishin të bindur se bëhej fjalë për sportist të klasit botërorë nga Australia, por zhgënjimi erdhi në momentin që ata u shfaqën në fushën e gjelbër dhe e panë se si luajnë ata.

“Vajza që na i mbante shkopinjtë na tha se jemi turpi i familjeve tona”, ka deklarua Shy, derisa Ruig ka shtuar se ata nuk kishin përfunduar të fundit por të parafundit në listë.

Fatmirësisht, ata ishin kthyer pa ndonjë problem në shtëpi, derisa familjet e tyre shpresojnë se një gjë e tillë të mos përsëritet, pasi që përqeshja e qeverisë së Koresë Veriore nuk është një gjë e mirë. /Telegrafi/

https://www.youtube.com/watch?v=s0-k1kfP8yw