Pierre Emerick Aubameyang ka pasur një karrierë të shkëlqyer deri më tani, duke luajtur në top pesë ligat më të mëdha evropiane.
Sulmuesi nga gaboni është rikthyer tani në Ligue 1 ku po shkëlqen me fanellën e gjigantit francez Olympique Marseille.
Megjithatë ai ka luajtur për shumë skuadra si Milan në Itali, Dijon, Lille, Monaco e St Etienne në Francë, Borussia Dortmund në Gjermani, Arsenal e Chelsea në Angli si dhe Barcelona në Spanjë.
Në një intervistë për Amazon Prime Video, Pierre Emerick Aubameyang zbuloi se periudhën më të mirë në karrierën e tij e kaloi te Barcelona, pikërisht në klubin ku luajti për një kohë të shkurtër.
Përkundër se qëndroi vetëm gjashtë muaj në Camp Nou, Aubameyang e cilëson si periudhën më të mirë në karrierën e tij.
“Këto janë gjashtë muajt më të mirë të karrierës”, tha sulmuesi, në intervistë, ndërsa dëgjonte një regjistrim të atmosferës në “Camp Nou”.
“Sinqerisht, kurrë nuk më ka pëlqyer kaq shumë të luaja futboll dhe të shkoja në stërvitje. E kam seriozisht, madje kam shkuar në stërvitje në ditët e pushimit. Ishte e pabesueshme”, deklaroi sulmuesi gabonez.
34-vjeçari zhvilloi 24 ndeshje zyrtare me Barcelonën duke realizuar 13 gola dhe duke asistuar në një tjetër. /Telegrafi/
