Shkencëtarët po përpiqen të kuptojnë pse disa njerëz mund të ‘dëgjojnë’ zërat e të vdekurve

Gjetja mund të na ndihmojë të kuptojmë më mirë halucinacionet shqetësuese të dëgjimit që shoqërojnë sëmundjet mendore të tilla si skizofrenia, thonë studiuesit.

Përvojat ‘spiritualiste’ të mprehtësisë dhe ‘clairaudience’ – përvoja e të parit ose dëgjimit të diçkaje në mungesë të një stimuli të jashtëm, dhe që u atribuohet shpirtrave të të vdekurve – është me interes të madh shkencor, si për antropologët që studiojnë përvojat fetare dhe shpirtërore, ashtu edhe për shkencëtarët që studiojnë përvojat halucinuese patologjike, shkruan Science Alert.

Në veçanti, studiuesit do të donin të kuptonin më mirë pse disa njerëz me përvojë dëgjimore raportojnë një përvojë spiritualiste, ndërsa të tjerët i konsiderojnë ato shqetësues dhe marrin një diagnozë të shëndetit mendor.

“Spiritualistët priren të raportojnë përvoja të pazakonta dëgjimore të cilat janë pozitive, fillojnë herët në jetë dhe të cilat shpesh janë në gjendje t’i kontrollojnë”, shpjegoi psikologu Peter Moseley nga Universiteti Northumbria në Mbretërinë e Bashkuar, transmeton Telegrafi.

“Të kuptuarit se si zhvillohen këto është e rëndësishme sepse mund të na ndihmojë të kuptojmë më shumë rreth përvojave shqetësuese ose të pakontrollueshme të dëgjimit të zërave”.

Ai dhe kolegu i tij, psikologu Adam Powell i Universitetit Durham në Mbretërinë e Bashkuar rekrutuan dhe anketuan 143 anëtarë të popullatës së përgjithshme të rekrutuar përmes mediave sociale, për të përcaktuar se çfarë i diferenconte spiritualistët nga publiku i gjerë, i cili raportoi se kishte dëgjuar zërat e të vdekurve.

Në përgjithësi, 44.6 për qind e spiritualistëve raportuan të dëgjonin zëra çdo ditë dhe 79 për qind thanë që përvojat ishin pjesë e jetës së tyre të përditshme. Dhe ndërsa shumica raportuan të dëgjonin zërat brenda kokës së tyre, 31.7 për qind raportuan se zërat ishin të jashtëm gjithashtu.

Përveç kësaj, ata raportuan se ishin më të prirur për përvoja të ngjashme me halucinacionin. /Telegrafi/