Një pjesë e rrugës në magjistralen Prishtinë-Mitrovicë po vazhdon të mbetet e pashfrytëzueshme për shkak të shembjes së dheut e cila ndodhi në kohë më parë.
Megjithëse po bëhen një muaj, ende nuk kanë filluar punimet për sanimin e kësaj rruge.
Qytetarë që frekuentojnë këtë rrugë, kanë dërguar fotografi në adresë të Telegrafit, në të cilat shihet se rruga po vazhdon të jetë në gjendje të njëjtë si para një muaji.
Zëvendësministri i Mjedisit, Planifikimit Hapësinor dhe Infrastrukturës (MMPHI), Hysen Durmishi ditë më parë kishte vizituar këtë vend, dhe kishte thënë se urgjentisht do të procedonin sanimin e këtij dëmi.
“Gjendje e rëndë e trashëguar. Do të procedojmë urgjentisht sanimin e kësaj rrëshqitje të ndodhur më herët. Dëmin e shkaktuar dikush do ta paguaj e po ashtu edhe para ligjit do të përgjigjet kushdo që është fajtor për gjendjen e krijuar”, kishte thënë Durmishi. /Telegrafi/
