SHBA-ja vjen me paralajmërim të fuqishëm: “Plotësisht të përgatitur” për veprime ushtarake kundër Turqisë, nëse është e nevojshme

Presidenti amerikan Donald Trump është i përgatitur të përdorë forcën ushtarake kundër Turqisë për veprimet e saj në Siri nëse “nevojitet”, ka thënë Sekretari i Shtetit, Mike Pompeo, të hënën ndërsa trupat amerikane u tërhoqën nga rajoni.

“Ne preferojmë paqen para luftës”, ka thënë Pompeo, në një intervistë të hënën shkruan CNBC, përcjell Telegrafi. “Por në rast se nevojitet veprimi ushtarak, duhet të dini që presidenti Trump është plotësisht i përgatitur për të ndërmarrë atë veprim”.

Po sipas këtij mediumi, presidenti Trump është nën kritika të rënda për vendimin e tij për tërheqjen e forcave amerikane nga Siria veriore, duke braktisur kurdët, të cilët drejtuan luftën tokësore kundër ISIS.

Lexo po ashtu Skenarët e mundshëm të një beteje midis Turqisë dhe kurdëve, aleatëve për një kohë të gjatë të Uashingtonit – pas tërheqjes së ushtrisë amerikane

Tërheqja përshpejtoi inkuadrimin e Turqisë në zonën kufitare në fillim të këtij muaji, operacion që thuhet se ka lënë më shumë se 120 civilë të vdekur, sipas Observatorit Sirian për të Drejtat e Njeriut me qendër në SHBA.

Pompeo nuk pranoi të përcaktojë një vijë të kuqe për atë veprim që do të nxiste një përgjigje ushtarake amerikane, duke thënë se ai nuk dëshironte të “dilte para vendimit të presidentit nëse do të merrte përsipër ndërmarrjen e përdorimit të fuqisë ushtarake të Amerikës”.

Lexo po ashtu Letrën në të cilën Trump i tha “Mos u bëj budalla!”, Erdogani e hodhi në "koshin për mbeturina"

“Ju sugjeruat fuqitë ekonomike që ne kemi përdorur. Ne me siguri do t’i përdorim ato. Ne do të përdorim fuqitë tona diplomatike gjithashtu. Këto janë preferencat tona”, citohet të ketë thënë Pompeo.

Lexo po ashtu Trump vendos të tërheq ushtrinë nga Siria, frikë se një ofensivë nga Ankaraja do të sillte një masakër si ajo e Srebrenicës - kush janë kurdët dhe çfarë po kërkojnë ata?

Ndërkohë, shkruan tutje, CNBC, Departamenti i Shtetit nuk pranoi të komentojë për komentet e Pompeos.

Ndërkohë Trump u tha gazetarëve në një takim të kabinetit të hënën se ShBA “kurrë nuk ka pasur ndonjë marrëveshje për të mbrojtur kurdët për pjesën tjetër të jetës së tyre”.

Siç kujton mediumi në fjalë, SHBA vendosi sanksione ndaj Turqisë javën e kaluar pas përfshirjes së vendit në zonën kufitare veriore të Sirisë, e cila ishte pushtuar nga aleatët kurdë në luftën e Amerikës kundër grupit të Shtetit Islamik, duke shtuar se Turqia i shikon kurdët si terroristë. /Telegrafi/