Shahpaska në takim me përfaqësues të misionit të FMN-së: Kemi 95 përqind realizim të masave për punësim

Masat nga Plani Operativ për Programe dhe Masa Aktive për Punësim përmes Agjencisë për Punësim edhe në kohë të Kovid-19 kanë realizim të suksesshëm me 95 për qind, ndërsa veçanërisht interes të madh ka te programi për subvencionimin e pagave, theksoi ministrja e Punës dhe Politikës Sociale, Jagoda Shahpaska në takimin e sotëm onllajn me përfaqësues të Misionit të Fondit Monetar Ndërkombëtar.

Tema kryesore, siç bënë të ditur nga Ministria, ishin politikat aktive të tregut të punës, papunësia, paga minimale dhe sistemi pensional.

Rreth realizimit të masave aktive nga Plani Operativ për Programe dhe Masa Aktive për Punësim përmes Agjencisë për Punësim, ministrja Shahpaska theksoi se edhe në kohë të pandemisë nga KOVID-19 kemi realizim të suksesshëm me 95 për qind të larta, ndërsa me interes veçanërisht të madh në programin për subvencionimin e pagave për çka është bërë ridedikimi nga program tjetër dhe mbështeta për subvencionim të pagave janë siguruar për 1.794 persona në vend 1.627 siç ishte planifikuar fillimisht.

Ajo shtoi se edhe programet tjera të planifikuara po realizohen pandërprerë.

Sa i përket pagës minimale, ministrja informoi se ajo është rregulluar me Ligj nga viti 2012, ndërsa nga viti 2017 janë përcaktuar kriteret për përcaktimin e vlerës së pagës minimale në nivel vjetor.

Ajo shtoi se vlera e përcaktuar e pagës minimale në vlerë prej 14.934 denarë filloi që të zbatohet nga korriku i vitit 2020.