Sevilla pritet sërish të përfitojë miliona euro nga Barcelona shkaku i klauzolës me Kounden

Situata e pasigurt financiare e Barcelonës është e dokumentuar mirë. Me shumë mundësi, kjo do të ndikojë në aftësinë e tyre për të bërë transferime këtë verë, veçanërisht nëse ata nuk mund të sigurojnë fonde nga diku tjetër.

Në këtë drejtim, ka qenë një dhimbje shtesë për ta këtë javë, pasi tani u është dashur të paguajnë Sevillas 2.5 milionë euro si pjesë e marrëveshjes së tyre për Jules Kounde verën e kaluar. Përfshirja e francezit në fitoren e Barcelonës ndaj Atletico Madrid të dielën aktivizoi klauzolën.

Për më tepër, Los Nervionenses mund të marrin pagesa të mëtejshme nga Barcelona. Sipas Sport, ata ruajnë një klauzolë shitjeje prej 1.5 për qind në marrëveshjen e tyre me Blaugranasit për Clement Lenglet.

Lexo po ashtu Barcelona dhe Xavi kanë pesë lojtarë të paprekshëm, të tjerët mund të shiten apo largohen

Nëse francezi shitet këtë verë, atëherë Barcelona nuk do ta merrte shumën e plotë.

Lenglet ka qenë i lidhur me një transferim të përhershëm te Tottenham Hotspur, ku ai ka qenë i huazuar këtë sezon, gjë që do t’i lejonte Barcelonës të gjeneronte fonde nga një lojtar që nuk do të konsiderohet për ekipin e parë.

Kuptohet, është vetëm një shumë e vogël që Barcelona do të humbasë, por duke pasur parasysh gjendjen e saj financiare, çdo gjë do të ndihmojë në këtë situatë. /Telegrafi/