Setien i kënaqur me rikthimin në La Liga me fitore

Trajner i Barcelonës, Quique Setien ka mbetur i kënaqur me fitoren 4-0 të Barcelonës në udhëtim te Mallorca, ndeshja kjo e para pas tre muajve pauzë shkaku i pandemisë.

Arturo Vidal, Martin Braithwaite, Jordi Alba dhe Lionel Messi ishin shënuesit e katër golave të Barcelonës, duke i siguruar ekipit të tyre tre pikë.

Skuadra e Setienit ka rritë epërsinë e në krye të La Ligës me pesë pikë, me rivalët Real Madridi që do të tentojnë ta shkrijnë sot (e diel) epërsinë.

Lexo po ashtu Barca bindëse ndaj Mallorcas, Messi me dy asistime dhe një gol të bukur

Rikthimi me fitore në La Liga e ka bërë trajnerin Setien të ndahet i kënaqur.

“Ne kemi luajtur mirë në shumicën e pjesëve të lojës. Jam i kënaqur”, ka thënë fillimisht Setien për El Chiringuito.

“Nuk kemi luajtur me kapacitetin tonë të plotë sonte (e shtunë), por ka qenë një fillim i mirë për sprintin e fundit të sezonit”.

“Ka qenë një kohë shumë e pasigurt, por të fitosh këtë lojë ishte shumë e rëndësishme”, përfundoi trajneri.

Lexo po ashtu Notat e lojtarëve: Mallorca 0-4 Barcelona, Messi me notë maksimale

Barcelona tani përballet me një ‘luftë’ të drejtpërdrejtë me skuadrën e Zinedine Zidane për të siguruar titullin në javët e ardhshme.

Ndeshjet në udhëtim kundër Sevilla dhe Villarreal do të jenë jetike për Setien, ndërsa në shtëpi ndeshja më e fortë parashikohet të jetë kundër Atletico Madridit të Diego Simeones. /Telegrafi/