Serie A përgatit kalendarin e ri për rifillimin dhe mbylljen e rregullt të sezonit

Plani më i mundshëm për ta përfunduar Serinë A në kohë për 30 Qershor do të ishte rifillimi i 2 majit, më pas të luani nëntë fundjavë dhe tre ndeshje mesjavë, së bashku me pesë data për kupat evropiane.

Mediumet italiane La Repubblica dhe Gazzetta dello Sport përshkruajnë se cili do të ishte kalendar i ri për Serie A, pasi pandemia e coronavirusit të ketë lejuar kthimin e rregullt të futbollit.

Pezullimi zyrtar i futbollit italian shkon vetëm në 3 prill, por me 11 lojtarë që rezultuan pozitiv në testin e coronavirusit dhe vendi ende nën bllokim, kjo datë duket e afërt dhe synohet diçka tjetër.

Lexo po ashtu Seria A do të rifillojë më 3 maj?

Një skenar më i mundshëm do të ishte rifillimi i stërvitjeve në mes të prillit dhe luajtja e javës së para pas rifillimit të bëhet në fundjavën e 2 majit.

Presidenti i FIGC, Gabriele Gravina paralajmëroi se afati për të përfunduar sezonin do të ishte 30 qershori, përndryshe ai mund t’i detyrojë ata të pranojnë një sistem “play-off” dhe “play-out” për të caktuar fituesin e titullit dhe ekipet që do të binin nga kategoria dhe ato që do të inkuadroheshin.

Lexo po ashtu Klubet e Serie A refuzojnë idenë e play-offit për titull dhe mbijetesë

Kjo do të thotë që klubet do të duhej të luanin 17 ndeshje midis Serie A dhe garave të kupave gjatë nëntë fundjavave, ku tri gjiro do luheshin në mesjavë.

Coppa Italia do të sakrifikohej, apo thënë ndryshe do shtyhej për sezonin e ardhshëm. /Telegrafi/