Serie A diskuton për planin B në rast se rrezikohet përfundimi i edicionit 2020-21

Serie A raportohet se na ngritur disa hipoteza rreth play-offit dhe ‘Final Eight’, nëse edicioni 2020/21 rrezikohet me një format ndryshe.

Futbolli është vënë në rrezik në fillim të këtij viti nga coronavirus, dhe tani në Itali po diskutohet se si duhet të luhet në formate të ndryshme.

Por, sipas asaj që raporton Corriere dello Sport, federata italiane është duke diskutuar për disa hipoteza të ndryshme në raste emergjente, së bashku me ministrin e sportit, Vincenzo Spadafora.

Spadafora potencoi: “Askujt nuk duhet t’i rrezikohet jeta dhe ne duhet të punojmë për një plan B, si në kampionat, në kupa të ndryshme dhe ne jemi optimist për këtë gjë”.

Hipotezat e para bëjnë me dije se një numër i madh i ndeshjeve mund të rrezikohen, në plan janë 380, e mund të luhen në total 340 ose 350.

Lexo po ashtu Nuk ka detajet publike për ndeshjen Juventus – Napoli, Zonja e Vjetër pritet të fitojë ndeshjen me rezultat zyrtar

Klubet do të përballen me vetëm disa kundërshtar, që i bije se mund të luhet vetëm një ndeshje në kupa.

Plani B vënë në pah ‘Final Eight’ që u përdor në Ligën e Kampionëve për edicionin 2019/20, e që do të përdorej edhe në Serie B. /Telegrafi/