Tenistja legjendare Serena Williams rikthehet pas një viti pauze, dhe do të luajë në Wimbledon me ftesë speciale.
Williams nuk ka luajtur që nga Wimbledoni i vitit të kaluar kur e dorëzoi duelin ndaj Aliaksandra Sasnovich në ndeshjen e parë kur rezultati ishte 3:3 në setin e parë.
Shumë menduan se ishte fundi i karrierës së tenistes më të madhe në histori, por sot ajo i mohoi këto lajme dhe paralajmëroi paraqitjen në turneun më prestigjioz të tenisit.
Serena, e cila do të mbushë 41 vjeç në shtator, aktualisht është vendin e 1223, ndaj i është dashur të marrë një “wild card” për të performuar në teke dhe me shumë gjasa do të performojë edhe në garën dyshe dhe do të përpiqet të arrijë titullin e 40-të të Grand Slam-it.
Serena deri më tani ka fituar 23 tituj Grand Slam. Ajo ka edhe 14 tituj në dyshe për femra dhe 2 në dyshe mikse.
Ajo fitoi titullin e saj të fundit të madh në 2017 në Australian Open në teke.
Serena është një titull Grand Slam larg barazimit të rekordit në teke (Margaret Court, 24), ndërsa mbajtësja e rekordeve absolute Martina Navratilova ndoshta nuk do të arrihet kurrë. Ajo fitoi deri në 59 turne Grand Slam në teke, femra dhe dyshe të përziera. /Telegrafi/
