Sektori privat në Vushtrri eksporton 100 për qind të prodhimeve, USAID promovon të arriturat e kosovarëve

Në kuadër të kampanjës KOSOVA: Vendi im, Rrugëtimi jonë, kanë vazhduar takimet nëpër qytete të ndryshme të Kosovës.

Përmes këtij takimi i cili suksesshëm përfundoi edhe në qytetin e Vushtrrisë, të pranishëm ishin panelist të profileve të ndryshme, prej shoqërisë civile dhe deri tek sektori privat, treguan storiet e tyre të suksesit dhe të arriturave përgjatë këtyre viteve.

Sipas njoftimit për media, kjo kampanjë ka për qëllim që përmes tregimeve konkrete të njerëzve të suksesshëm në Kosovë t’i motivojnë gjeneratat e reja.
“Kosova është vend i mundësive, andaj përmes tregimeve si këto mund t’i kuptojmë vështirësitë dhe mbi të gjitha të arriturat e sektorëve të ndryshëm në Kosovë, e që nuk janë të pakta”, thuhet në njoftim.

Idriz Ismajli përfaqësues nga komuna e Vushtrrisë, ka potencuar faktin që kjo komunë renditet në vend të parë sa i përket transparencës publike.
“Ndryshimet që janë bërë në komunën e Vushtrrisë janë qasje në dokumente dhe certifikata, pastaj ofrimit të shërbimeve 24 orë në ditë 7 ditë në javë përmes E-kioskut i cili tashmë është funksional në këtë komunë”, ka thënë ai.

Arif Kastrati dhe Mentor Veseli, të dy panelist nga sektori privat, treguan për të arritur në sektorin e tyre, për më shumë që të dy bizneset me prodhime 100% kosovare eksportojnë produkteve e tyre në tregun evropian.

“Aktualisht unë eksportojë 100% të prodhimit të tij në Holandë. Tregu evropian është në kërkim të boronicës dhe se planifikon që në një të ardhme të afërt të zgjerojë biznesin e tij, duke mundësuar kështu hapjen e vendeve të reja të punës dhe krijim të mundësive të reja në këtë sektor”, ka thënë ai.

Ndër të tjera në njoftim thuhet se USAID do të vazhdojë me takime të ngjashme edhe nëpër komunat e tjera të Kosovës, duke nxitur kështu forma të angazhimit për një të ardhme me të mirë, gjithashtu përmes tregimeve të suksesit të profileve dhe sektorëve të ndryshëm të promovojë mundësitë për zhvillim në sektorë të ndryshëm./Telegrafi/